2 KARAENG-KARAENG 14:16 - KITTA' MATANGKASA'

¹⁶ Matei na nitarawang Yoas ri pa'jerakkanna sikamma karaenga ri Samaria. Nampa ana'na niarenga Yerobeam II ansambeangi a'jari karaeng.

2 KARAENG-KARAENG 14:16 ပူးပေါင်းရင်းမြစ်များ

2 SAMUEL 7:12

Sallang, punna narapi' a'jala'nu, na nunitarawang ri jera'na boe-boenu, nia' sitau battu ri ana' bura'nenu laKuangka' a'jari karaeng. Iami lambangungA' balla'. LaKupakajarreki kakaraenganna siagang nia' sitau jari-jarina lammarenta satunggu-tungguna salaku karaeng.

1 KARAENG-KARAENG 1:21

Punna tena kissare kaputusang, ma'nassa punna mateki', inakke siagang anakku lanipare' kammama' musu.”

2 KARAENG-KARAENG 13:12

Pau-pau maraengannaya ri passala'na Karaeng Yoas, kammayatompa kabaranianna lalang ri pa'bundukanga angngewai Amazia karaeng Yehuda, niaki nicata' lalang ri kitta' “Riwaya'na sikamma karaeng Israel”.

2 KARAENG-KARAENG 13:13

Matemi Yoas nampa nitarawang ri jera'na sikamma karaenga ri Samaria. Nampa ana'na iamintu Yerobeam II ansambeangi a'jari karaeng.

2 KARAENG-KARAENG 13:9

Anjorengi ri Samaria mate siagang nitarawang. Ana'na niarenga Yoas ansambeangi a'jari karaeng.

2 KARAENG-KARAENG 14:15

Pau-pau maraengannaya ri passala'na Karaeng Yoas, kammayami kabaranianna angngewai Amazia karaeng Yehuda niaki nicata' lalang ri kitta' “Riwaya'na sikamma karaeng Israel.”

2 KARAENG-KARAENG 14:17

Ri wattunna matemo Yoas karaeng Israel, attallasa' iji Amazia 15 taung sallona.

2 KARAENG-KARAENG 14:23

Ri taung makasampulo allima ammarentana Amazia ana'na Yoas ri Yehuda, iaminjo wattua na'jari Karaeng Yerobeam II ana'na Yoas ri Israel siagang ammarentai ri Samaria 41 taung sallona.

2 KARAENG-KARAENG 14:28

Pau-pau maraengannaya ri passala'na Karaeng Yerobeam II, ri passala'na kabaranianna lalang ri siapa area pa'bundukang siagang antekamma batena angngallei ammotere' Damsyik siagang Hamat battu ri Yehuda untu' tu Israel, yangasenna niaki nicata' lalang ri kitta' “Riwaya'na sikamma karaeng Israel.”

1 PATTOTTORANG 5:17

Anne pattottoranga nipareki ri jammang Yotam a'jari karaeng Yehuda, siagang Yerobeam a'jari karaeng ri Israel.

HOSEA 1:1

Iaminne pasang Napassareanga Batara mae ri Hosea ana'na Beeri ri wattunna kakaraengang Yehuda niparenta massing-massing ri Karaeng Uzia, Yotam, Ahas, siagang Hizkia, nampa kakaraengang Israel niparenta ri Yerobeam ana'na Yoas.

AMOS 1:1

Anjo lapung Amos, iamintu sitau pakalawaki gimbala' battu ri kota Tekoa. Nikioki a'jari na'bi ri wattu niparentana pa'rasangang Yehuda ri Karaeng Uzia, siagang Israel niparentai ri Karaeng Yerobeam, ana'na Yoahas. Ruan taung ri tenanapa nakajariang ta'ge'goso'na buttaya, Napa'nyatai Allata'ala mae ri Amos ri passala'na tu Israel.