2 KARAENG-KARAENG 14:10 - KITTA' MATANGKASA'

¹⁰ Ikau Amazia, a'jari tampomako, lanri le'ba'namo nubeta tu Edom. Jari, sai jaimi anjo pammetannu? Bajikangngang boli'mi ri balla' anjo pammetannu! Apa matu-matunnu a'boya pa'bettesang lanri ero'nu bawang ancilakai kalennu siagang ra'ya'nu?”

2 KARAENG-KARAENG 14:10 ပူးပေါင်းရင်းမြစ်များ

2 KARAENG-KARAENG 14:7

Lalang se'reang pa'bundukang nia' 10.000 tantara Edom le'ba' nabuno Amazia ri lappara' ka'bung niarenga Asin, siagang naempoi kota niarenga Sela. Anjo kotaya nasambei arenna nampa naareng kota Yokteel. Sa'genna kamma-kamma anne tuli niarenna Yokteel anjo kotaya.

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

2 PATTOTTORANG 32:25

Mingka lanri tampona, tenamo nappala' sukkuru' mae ri anjo pannulunNa Batara. Lanri kammana anjo larromi Batara ri tu Yehuda siagang ri tu Yerusalem.

2 PATTOTTORANG 35:21

mingka akkirimmi pasang Nekho mae ri Yosia angkana, “Anne bunduka teai urusannu, karaeng Yehuda! Erokka' battu teai ikau lakuagang a'bali a'bundu', passangalinna untu' angngewai musu-musungku, siagang Nasuroa' Allata'ala akkaro-karo a'gio'. Agang mae ri nakke Allata'ala, lanri kammana anjo teako rompaia', gassingka ikau sallang niancuru'.”

KALAPPASSANG 8:9

Appialimi Musa angkana, “Lappala' doanga' siagang te'ne pa'maikku, untu' ikatte karaeng. Kipattantumi wattunna, nampa kupappala' doangangki', kammayatompa untu' sikamma pagaweta siagang ra'yaka. Nampa nilappassangki' battu ri anjo sikamma tumpanga; tena latassesa pantaranganna Binanga Nil.”

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PANGNGEBARANG 20:3

Tau toloaji bawang nangai a'besereka; sipa' nipujia iamintu mabellaya battu ri pa'beseranga.

PANGNGEBARANG 25:8

Teako akkaro-karo dudu angngerangi parkaranu mange ri pangadelang; saba', punna kale'bakkanna a'nyatai angkana ikau sala, apapi pole akkulle nugaukang?

PANGNGEBARANG 26:17

Tau ampantamakai kalenna ri pa'beserang teaiya urusanna sanrapangi tau anjakkalaka kongkong liara' ri tolinna.

PANGNGEBARANG 3:30

Teako a'besereki siagang tau maraenga, tenaya nale'ba' a'gau' ja'dala' mae ri kau.

YEHEZKIEL 28:5

Memang, ikau cara'dekko a'danggang siagang kamma-kamma anne kalumanynyang kalupepeang mako; nampa anjo kakalumanynyangngannu napa'jari tampo mako!’ ”

YEHEZKIEL 38:17

Sai ri sesena ikau naKua'bicara riolo tete ri sikamma atangKu iamintu na'bi-na'bina Israel. Nabotomi ke'nanga angkanaya ri allo labattua sallang laKusuroi taua untu' ambunduki Israel. INakke, Batara Kaminang Tinggia, anne akkana.”

YEHEZKIEL 38:2

“He tau, tunrai Gog, iamintu karaeng battua ri pa'rasangang Mesekh siagang Tubal ri butta Magog.

YEHEZKIEL 38:5

Nirurungangi karaenga ri tantara-tantara Persia, Sudan siagang Libia, massing angngeranga pa'dang siagang topi baja.

DANIEL 11:12

Nampa la'jari tampomo lanri ammetana siagang lanri jaina musu nabuno; mingka tena natulusu' lakoasa.

HABAKUK 2:4

Siagang u'rangi: Tau ja'dalaka tena nalalasalama', mingka tau anggaukangai ero'Na Allata'ala lattallasaki lanri majarre'na mae ri Allata'ala.”

HABAKUK 2:5

Anjo kakalumanynyanganga tuli appa'dongo'-dongoki. Anjo tau angngoaya tampoi siagang lussaki. Rapang kamateang, tena todong nale'ba' sukku' nasa'ring; tasse're-se're bansa naallei nakammai.

PAOLE 8:14

katutui baji'-baji' sollanna tena nu'jari tampo siagang takkaluppa ri Karaeng Allata'alanu, le'baka allappassangko battu ri Mesir, le'baka nupammantangngi nipare' ata.

YAKOBUS 1:9

Tau Karisteng kasi-asia parallui marannu punna nipakatinggi ri Allata'ala.

YAKOBUS 4:6

Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”

HAKING-HAKING 9:52

Nabattumo Abimelekh mange anjoreng, untu' ambunduki anjo menaraya. Ri wattunna battu mange ri pakke'bu'na anjo menaraya naero' natunu,