2 KARAENG-KARAENG 13:16 - KITTA' MATANGKASA'

¹⁶ nampa nisuro ri Elisa sadia-sadia untu' ammana. Sadiami karaenga, siagang napadongko'mi limanna Elisa irate ri limanna karaenga.

2 KARAENG-KARAENG 13:16 ပူးပေါင်းရင်းမြစ်များ

PA'JARIANG 49:24

Mingka tuli kassa'na limanna, tuli jarre'na panana, lanri koasana Pakalawaki Magassing, Allata'alana Yakub, Pajagana Israel.

2 KARAENG-KARAENG 13:15

Naparentakammi Elisa mae ri ia angkana, “Allei anrong pananu siagang ana' pananu!” Naallemi Yoas,

2 KARAENG-KARAENG 13:17

Nampa situru' anjo parentana na'bia, nasungkemi karaenga tontonganga a'dalle' mangea ri Siria. Naparentakammi Elisa angkana, “Lappassammi ana' pananu!” Silalonna nalappassanna karaenga anjo ana' panaya, a'gorami anjo na'bia angkana, “Ikaumi panaNa Batara. Iaminjo panaNa Batara lanupake ambetai Siria. La'bundukko a'bali tu Siria ri Afek sa'genna nubeta ke'nanga.”

2 KARAENG-KARAENG 4:34

Le'baki anjo a'dundumi naung ri anjo anaka siagang napa'reppese' bawana, matanna siagang limanna mae ri bawana, matanna siagang limanna anjo anaka. Lanri napakammana anjo, a'jari kammu'mi kalenna anjo anaka.

PAMMUJI 144:1

Battu ri Daud. Pujimi Batara pa'la'langangku! Ia angngajaraka' a'bundu', siagang allatia' assiba'ji.