2 KARAENG-KARAENG 13:14 - KITTA' MATANGKASA'

¹⁴ Ri se'reang wattu garring sannaki Na'bi Elisa, na nia' battu Karaeng Yoas antoaki. Ri wattunna nacini' angkanaya la'birimmi mate Elisa, angngarru'mi karaenga siagang nakanamo, “O Bapakku, Bapakku, pannulung lompona tu Israel!”

2 KARAENG-KARAENG 13:14 ပူးပေါင်းရင်းမြစ်များ

PA'JARIANG 48:1

Siapa are allo ribokoanganna nipabattuammi kabara' Yusuf angkana garring sannaki manggena. Jari a'lampami mange angkunjungi Yakub. Naerang tongi ruaya ana'na, iamintu Manasye siagang Efraim.

PA'JARIANG 49:33

Le'baki Yakub appasang ri ana'-ana'na, anra'bami naung nampa mate.

PA'JARIANG 50:1

Napara'bami kalenna Yusuf naung ri kalenna manggena nampa angngarru' siagang nabau rupanna.

2 KARAENG-KARAENG 13:12

Pau-pau maraengannaya ri passala'na Karaeng Yoas, kammayatompa kabaranianna lalang ri pa'bundukanga angngewai Amazia karaeng Yehuda, niaki nicata' lalang ri kitta' “Riwaya'na sikamma karaeng Israel”.

2 KARAENG-KARAENG 13:13

Matemi Yoas nampa nitarawang ri jera'na sikamma karaenga ri Samaria. Nampa ana'na iamintu Yerobeam II ansambeangi a'jari karaeng.

2 KARAENG-KARAENG 13:15

Naparentakammi Elisa mae ri ia angkana, “Allei anrong pananu siagang ana' pananu!” Naallemi Yoas,

2 KARAENG-KARAENG 2:12

Naciniki Elisa anjo kammaya nampa akkio' angkana, “Elia, bapakku! Bapakku! Pajagana Israel malompoa! Tenami bapakku!” Jari lanynya'mi Elia battu ri paccini'na Elisa. Si'nami nyawana Elisa na nakekke' jubana a'jari rua.

2 KARAENG-KARAENG 20:1

Ri anjo wattua garring lattangi Karaeng Hizkia. Sanna' sikali anjo garrinna sa'genna a'birimmo mate. Battumi Na'bi Yesaya ana'na Amos angkunjungi siagang nakana, “Appasangi Batara sollanna kipa'le'ba' sikontu urusanga, nasaba' tena kila'jari baji'. Tenamo nasallo kimate.”

2 KARAENG-KARAENG 6:21

Ri wattunna nacini' karaeng Israel anjo tu Siria, akkuta'nammi ri Elisa angkana, “Elisa, apaka musti kubunoi anne taua ngaseng?”

PAMMUJI 12:1

Untu' pamimping pakelong. Situru' lagu makasagantuju. Pammujina Daud.

PANGNGEBARANG 11:11

Pangngellainna tau lambusuka ampakaga'gai kotaya; kana-kananna tau ja'dalaka ammanraki.

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

ZAKHARIA 1:5

Kemaemi boe-boenu siagang anjo na'bi-na'bia ri kamma-kammaya anne? Tena ngasemmi ke'nanga.

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

YOHANES 11:3

Assaremi kabara' anjo ruaya sari'battanna mae ri Isa, angkana, “O Batara, garringi sari'battanna ikambe Kikamaseanga.”

LAMPA-LAMPANA 13:36

Matemi Daud ri le'ba'namo nagaukang apa-apa Napassuroanga Allata'ala ri ia. Le'ba'mi nitarawang siagang boe-boena. Anjo maya'na Daud ancuru' tommi a'jari butta ngaseng.

FILIPI 2:26

Sanna' nakku'na mae ri kau ngaseng; siagang sanna' lussa'na lanri nugappana kabara'na angkana garringi anrinni.