2 KARAENG-KARAENG 13:12 - KITTA' MATANGKASA'

¹² Pau-pau maraengannaya ri passala'na Karaeng Yoas, kammayatompa kabaranianna lalang ri pa'bundukanga angngewai Amazia karaeng Yehuda, niaki nicata' lalang ri kitta' “Riwaya'na sikamma karaeng Israel”.

2 KARAENG-KARAENG 13:12 ပူးပေါင်းရင်းမြစ်များ

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

2 KARAENG-KARAENG 1:18

Carita maraengannaya ri passala'na apa nagaukanga Karaeng Ahazia niaki nitulisi' lalang ri kitta' Riwaya'na sikamma karaeng Israel.

2 KARAENG-KARAENG 13:11

Ia doraka tongi mae ri Batara lanri naturukinna kaja'dallanna Karaeng Yerobeam le'baka angngerangi tu Israel ri panggaukang dosaya.

2 KARAENG-KARAENG 13:13

Matemi Yoas nampa nitarawang ri jera'na sikamma karaenga ri Samaria. Nampa ana'na iamintu Yerobeam II ansambeangi a'jari karaeng.

2 KARAENG-KARAENG 14:25

Iaminne Yerobeam II angngalle kabusuki ammotere' sikontu daerana Israel, appakkaramula battu ri oloang mangea ri Hamat bageang wara' sa'genna mange ri Tamparang Matea ri bageang timboro'. Anjo sikammaya situruki siagang janjinNa Batara, Allata'alana Israel, tete ri atanNa, iamintu Na'bi Yunus ana'na Amitai tu Gat-Hefer.