2 KARAENG-KARAENG 12:9 - KITTA' MATANGKASA'

⁹ Jari angngallemi Yoyada se're patti-patti pammantangngang nampa naso'bolo' irate ri pattongko'na, nampa napadongko' ri ampi'na tampa' pakkoro'bangnganga ri sa'ri kananna pakke'bu' antamaya ri Balla'Na Batara. Sikontu doe' nipassareanga ri Balla'Na Batara nipantamaki ri anjo pattia ri imang-imang tugasaka ri pakke'bu' antamaya.

2 KARAENG-KARAENG 12:9 ပူးပေါင်းရင်းမြစ်များ

2 KARAENG-KARAENG 12:8

Situju kabusu'mi imanga angkanaya talanapasse'reami doe' battua ri ra'yaka, siagang tena tommo natanggongi pappakabajikianna Balla'Na Batara.

2 KARAENG-KARAENG 23:4

Le'baki anjo naparentakammi karaenga mae ri Imang Lompo Hilkia, sikamma imang pambantua siagang sikamma pangawala' tugasaka ri pakke'bu' Balla'Na Batara, sollanna napasulu' battu ri anjo Ballaka sikontu pakkakasa' le'baka nipake untu' anynyomba ri Baal, Dewi Asyera, siagang bintoeng-bintoenga. Sikontu anjo barang kammaya natunui Karaeng Yosia ri pantaranna kotaya ri ampi'na Ka'bung Lappara' Kidron, nampa nierang auna mange ri Betel.

2 KARAENG-KARAENG 25:18

Pantaranganna anjo najakkala' tongi Nebuzaradan iamintu Imang Lompo Seraya, Zefanya imang pambantuna, tallu tau pajaga pakke'bu' Balla'Na Batara, lima tau biasaya napappalakki pappitangara' karaenga niaka ija ri kotaya, panglima, wakkele' panglima pangurusu'na sura'-sura'na tantaraya, siagang 60 tumalompo maraengannaya.

PAMMUJI 84:10

Kibarakkaki karaenna ikambe, o, Allata'ala, Kijagai laloi tau le'baka Kipile.

YEREMIA 35:4

Kuerangi ke'nanga mange ri Balla'Na Batara, antama' ri kamara'na ana'-ana' gurunna Na'bi Hanan ana'na Yigdalya. Anjo kamaraka tampa'na irateannai kamara'na Imang Maaseya ana'na Salum, ri ampi'na kamara'na pagawe-pagawe maraenga. Maaseya iami pagawe tinggi anjannangngi sikamma pakke'bu'na Balla'Na Batara.

YEREMIA 52:24

Pantaranganna anjo, Nebuzaradan najakkala' tongi Imang Lompo Seraya, Zefanya, iamintu wakkele'na, tallu tau pajaga pakke'bu'na Balla'Na Batara,

MARKUS 12:41

Ri wattunna ammempo Isa ri dallekanna pammoneang passidakkaya ri Balla'Na Batara, Naciniki tasse're-se'remi taua appantama' doe' passidakka anjoreng ri pammoneang passidakkaya. Jai tau kalumanynyang appantama' doe' sijaiang.

LUKAS 21:1

Ri Balla'Na Batara, Naciniki Isa tu kalumanynyanga appantama' doe' passidakka ri pammoneang passidakkaya.