2 KARAENG-KARAENG 12:7 - KITTA' MATANGKASA'

⁷ Lanri kammana anjo nakio'mi Yoas Imang Yoyada siagang sikamma imang-imang maraenga, nampa nakana, “Angngapa natena ngasempa nupakabajiki Balla'Na Batara? Appakkaramula anne alloa tena ngasemmo nanipa'biangko amboliki doe' nutarimaya. Kabusu'na musti nupassareangi untu' ampakabajiki Balla'Na Batara.”

2 KARAENG-KARAENG 12:7 ပူးပေါင်းရင်းမြစ်များ

2 KARAENG-KARAENG 11:4

Ri taung makatuju, sikamma perwira pangawala' kalenna karaeng bainea kammayatompa sikamma pangawala'na balla' karaenga nikioki ri Imang Yoyada untu' assibuntulu' siagang ia lalang ri Balla'Na Batara. Anjoreng nasuroi ke'nanga assumpa untu' anggaukangi rancanana. Napappicinikangi Yoas, ana' bura'nena Karaeng Ahazia, mae ri ke'nanga,

2 KARAENG-KARAENG 12:2

Lanri pangngajara'na Yoyada, Yoas lalang sikontu tallasa'na nagaukangi apa appakasannanga ri pa'mai'Na Batara.

2 KARAENG-KARAENG 12:6

Sa'genna ri taung makaruampulo antallu ri pamarentahanna Yoas, tena ijapa napakabajiki sikamma imanga kapanrakang niaka ri Balla'Na Batara.

2 KARAENG-KARAENG 12:8

Situju kabusu'mi imanga angkanaya talanapasse'reami doe' battua ri ra'yaka, siagang tena tommo natanggongi pappakabajikianna Balla'Na Batara.

1 PATTOTTORANG 21:3

Appialimi Yoab angkana, “Poro Napa'lappi-lappi Batara ra'ya' Israel sa'genna a'lappi sibilangngang jaina battu ri niaka ri kamma-kammaya anne. O karaeng, sai ma'nassami angkanaya tundu'mi ke'nanga mae ri katte? Angngapa namusti nisuro bilang taua? Gassingka sallang, lanri anne kasalanga nanakasia' kodina sikontu bansaya.”

2 PATTOTTORANG 23:1

Ri taung makatuju napattantumi Imang Yoyada untu' angngalle tindakang. Assitujumi siagang lima tau perwira, iamintu: Azarya ana'na Yehoram, Ismael ana'na Yohanan, Azarya ana'na Obed, Maaseya ana'na Adaya, siagang Elisafat ana'na Zikhri.

2 PATTOTTORANG 24:16

Nitarawangi ri pa'jerakkanna sikamma karaenga ri Kota Daud, untu' ampakalompoi jasa-jasana mae ri Allata'ala, mae ri Balla'Na Batara siagang mae ri umma' Israel.

HAGAI 1:2

Nakana Batara Kaminang Koasaya mae ri Hagai, “Anne bansaya nakana teaipi wattunna untu' ambangungi ammotere' BallakKu.”