2 KARAENG-KARAENG 12:4 - KITTA' MATANGKASA'

⁴ Ri se'reang allo nakioki Yoas sikamma imanga nampa nasuro ke'nanga amboliki doe' nagappaya battu ri passare-passare nipassareanga ri Balla'Na Batara, baji' doe' pa'bayara' nigaukanna koro'banga, kammayatompa doe' battu ri passare rellana taua.

2 KARAENG-KARAENG 12:4 ပူးပေါင်းရင်းမြစ်များ

1 KARAENG-KARAENG 3:2

Lanri tenapa nibangungi Balla'Na Batara anjo wattua, ra'yaka assareiji koro'bang ri a'rupa-rupa tampa'.

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

1 KARAENG-KARAENG 7:1

Ambangung tommi Salomo balla' kakaraengang untu' kalenna. Anjo balla' kakaraenganga sampulo antallu taung wattu nipake untu' ambangungi.

2 KARAENG-KARAENG 12:18

Jari akkirimmi Yoas mae ri ia doe' sollanna tena nabunduki Yerusalem. Anjo doeka naallei battu ri sikontu doe' le'baka napassareang kalenna Yoas riolo mae ri Batara, siagang nipassareanga ri Yosafat, Yoram kammayatompa Ahazia, iamintu karaeng ammarentaya rioloannaya na ia. Kammayatompa battu ri sikontu bulaeng niaka lalang ri pammolikanga lalang ri Balla'Na Batara siagang balla' karaenga. Jari tenamo nanjari Hazael ambunduki Yerusalem.

2 KARAENG-KARAENG 12:5

Tunggala' imanga musti massing natanggongi doe' napassareanga sikamma tau nalayania. Anjo doeka lanipakei untu' ampakabajiki sikamma kapanrakang niaka lalang ri Balla'Na Batara.

2 KARAENG-KARAENG 14:4

tena todong nanaruntungi tampa'-tampa' panynyombanga ri rewataya, sa'genna tuli assarena koro'bang siagang tuli attununa dupa ra'yaka anjoreng.

2 KARAENG-KARAENG 15:4

Mingka sayanna, lanri tenana naputtai tampa'-tampa' panynyombanga ri rewataya, sa'genna tuli assarena koro'bang siagang tuli attununa dupa ra'yaka anjoreng.

2 KARAENG-KARAENG 16:4

Assarei koro'bang Ahas siagang attunui dupa ri tampa'-tampa' panynyombanga mae ri rewataya irate ri moncong-monconga kammayatompa irawanganna poko'-poko' kayu lompoa.

2 KARAENG-KARAENG 17:11

Attunu tongi ke'nanga dupa ri sikontu tampa' pakkoro'bangnganga untu' rewataya, sangkamma kabiasanna bansa-bansa le'baka Nabongka Batara battu ri butta Kanaan. Anynyombai ke'nanga barhala, manna pole nipisangkai ri Batara. Sikontu anjo panggaukang ja'dala'na ke'nanga ampanaiki larroNa Batara.

1 PATTOTTORANG 18:11

Napassareang ngasemmi Daud mae ri Batara sikamma anjo hadiaya, untu' nipake lalang gau' passambayangang. Kamma tomminjo nagaukangangi sikamma barang-barang bulaeng le'baka narampasa' battu ri Hadadezer siagang bansa-bansa nabetaya, iamintu bansa Edom, Moab, Amon, Filistin, siagang Amalek.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

2 PATTOTTORANG 15:18

Sikontu bulaeng, pera', siagang barang-barang narampasaka lalang bundu' manggena, kammayatompa barang-barang kalenna naboli' kabusuki ri Balla'Na Batara untu' a'jari Napatang Batara.

2 PATTOTTORANG 31:12

nampa naboli' anjo sikontu passarea siagang passare bage sampuloa battu ri pa'barang-baranganna ra'yaka lalang ri anjo gudang-gudanga. Nia' sitau tu Lewi niarenga Konanya nisare tugasa' untu' pangawasa', siagang andi'na niarenga Simei a'jari pambantuna.

2 PATTOTTORANG 35:2

Nabagemi Yosia tugasa'na sikamma imanga massing lanajamaya ke'nanga lalang ri Balla'Na Batara, siagang napakainga' ke'nanga sollanna massing nagaukang baji' jama-jamanna ke'nanga.

EZRA 1:6

Sikontu siampi' balla'na ke'nanga massing assaremi bantuang, iamintu a'rupa barang-barang, kammayami pakkakasa'-pakkakasa' pera' siagang bulaeng, untu' bokong ri aganga, olo'-olo' untu' atteke', barang-barang maraengannaya, kammayatompa passare-passare untu' ambangungi Balla'Na Batara ri Yerusalem.

EZRA 2:69

Assarei ke'nanga sumbangang manuru' massing pakkullena na wassele'na yangaseng iamintu 500 kilo battala'na bulaeng, 2.800 kilo battala'na pera', siagang 100 juba untu' sikamma imanga.

EZRA 7:16

Erang tongi sikamma bulaenga siagang pera' le'baka nupasse're battu ri sikontu Babel siagang sikontu sumbangang battua ri bansa Israel siagang imang-imanna ke'nanga untu' Balla'Na Karaeng Allata'alana ke'nanga ri Yerusalem.

KALAPPASSANG 35:22

Inai-nai ero', baji' bura'ne yareka baine, battui angngerang paniti belo-belo, anting-anting, cincing, rante, siagang sangka' rupa belo-belo bulaeng untu' nipassareang mae ri Batara.

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

KALAPPASSANG 35:5

Erangi passarenu mae ri Batara. Inai nipagio' atinna, musti assarei bulaeng, pera', siagang tambaga;

KALAPPASSANG 36:3

Napassareammi Musa mae ri ke'nanga anjo sikontu apa napassareanga tu Israel untu' ambangungi KemaNa Batara. Mingka tulusu' angngeranna ija bansa Israel passare tunggala' bari'basa' mae ri Musa.

KAIMANGNGANG 27:31

Punna nia' tau ero' ampasuluki sipa'gang anjo wasseleka, musti nabayaraki ballinna situru' anggarang le'baka nipattantu nampa natambai ruampulo parseng.

LUKAS 21:4

Nasaba' sikamma tau maraenga, la'bi-la'bi doe'naji napantama'. Mingka anne jandaya, manna nasanna' kasi-asina, mingka napassareammi sikamma apa niaka ri ia, iamintu sikamma apa naparalluanga ri katallasanna.”