2 KARAENG-KARAENG 12:1 - KITTA' MATANGKASA'

¹ Ri taung makatuju ammarentana Yehu ri Israel, iami anjo wattua na'jari Karaeng Yoas ri Yehuda. Ammarentai 40 taung sallona ri Yerusalem. Amma'na niarengi Zibya, tau battu ri kota Bersyeba.

2 KARAENG-KARAENG 12:1 ပူးပေါင်းရင်းမြစ်များ

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

2 KARAENG-KARAENG 11:21

Tuju taung umuru'na Yoas ri wattunna a'jari karaeng Yehuda.

2 KARAENG-KARAENG 12:2

Lanri pangngajara'na Yoyada, Yoas lalang sikontu tallasa'na nagaukangi apa appakasannanga ri pa'mai'Na Batara.

2 KARAENG-KARAENG 13:1

Ri taung makaruampulo antallu ammarentana Yoas ana'na Ahazia ri Yehuda, iaminjo wattua na'jari Karaeng Yoahas ana'na Yehu ri Israel, siagang ammarentai ri Samaria sampulo antuju taung sallona.

2 KARAENG-KARAENG 13:10

Ri taung makatallumpulo antuju ammarentana Karaeng Yoas ri Yehuda, iaminjo wattua na'jari karaeng siagang ammarenta Yoas ri tu Israel siagang ammarentai 16 taung sallona.

2 KARAENG-KARAENG 9:27

Naciniki Ahazia anjo apa kajarianga. Jari napalarimi karetana a'lampa mange ri kota Bet-Hagan. Niondammi ri Yehu siagang a'gorai ri ana' buana angkana, “Buno tongi anjo!” Nipanami ri ke'nanga na nataba ri agang a'lampa mangea ri Gur, ri ampi'na kota Yibleam. Mingka akkullei ta'lappasa' lari sa'genna mange ri Megido, nampa anjorempi mate.