2 KARAENG-KARAENG 11:4 - KITTA' MATANGKASA'

⁴ Ri taung makatuju, sikamma perwira pangawala' kalenna karaeng bainea kammayatompa sikamma pangawala'na balla' karaenga nikioki ri Imang Yoyada untu' assibuntulu' siagang ia lalang ri Balla'Na Batara. Anjoreng nasuroi ke'nanga assumpa untu' anggaukangi rancanana. Napappicinikangi Yoas, ana' bura'nena Karaeng Ahazia, mae ri ke'nanga,

2 KARAENG-KARAENG 11:4 ပူးပေါင်းရင်းမြစ်များ

PA'JARIANG 50:25

Nampa nasuromo Yusuf sikamma bija pammanakanna assumpa angkana, “A'janji mako ri nakke, angkanaya punna Napimpingko Allata'ala mange ri anjo pa'rasanganga, lanuerang tongi mayakku.”

2 SAMUEL 20:23

Iaminne pagawe-pagawe tinggina Daud: Panglimana sikontu tantarana Israel: Yoab. Kapala pasukang pangawala' kalenna Daud: Benaya ana'na Yoyada.

2 SAMUEL 8:18

Kapala pangawala' kalenna karaenga: Benaya ana'na Yoyada; Imang-imang balla' kakaraenganga: ana'-ana' bura'nena Daud.

1 KARAENG-KARAENG 14:27

Untu' a'jari sambenna appare'mi Karaeng Rehabeam pakkakasa'-pakkakasa' kammaya anjo nampa napoterang antama' ri kamara' jagaya.

1 KARAENG-KARAENG 18:10

Lanri arenNa Batara mattallasaka, Allata'ala kisombaya bapa', kupauang maki' angkanaya nasuroa' karaenga untu' amboyaki' ri kere-kere mae. Punna nia' tukoasa ri se'reang pa'rasangang angkana tenaki' anjoreng, nasuroi Ahab anjo tukoasaya ri anjo pa'rasangang assumpa angkana ma'nassa tena tojeng nanibuntulukki' anjoreng.

2 KARAENG-KARAENG 11:17

Nasuroi Imang Yoyada Karaeng Yoas siagang ra'yaka appare' parjanjiang siagang Batara angkanaya la'jari ke'nanga Umma'Na Batara. Nasuro tongi karaenga appare' parjanjiang siagang ra'yaka.

2 KARAENG-KARAENG 11:19

nampa kalenna siagang sikamma perwiraya, sikamma pangawala' kalenna karaenga, sikamma pangawala'na balla' karaenga kammayatompa sikontu ra'yaka narurungammi Karaeng Yoas battu ri Balla'Na Batara sa'genna mange ri balla' karaenga. Antama'mi Yoas battu ri Pakke'bu' Lompo Pangawala', nampa ammempo rate ri empoang kakaraenganga.

2 KARAENG-KARAENG 11:3

Annang taungi sallona naparakai Yoseba anjo anaka lalang ri Balla'na Batara ri wattunna Atalya ammarenta salaku karaeng baine.

2 KARAENG-KARAENG 11:9

Naturukimi sikamma anjo perwiraya anjo parentana Yoyada siagang naerammi ke'nanga ana' buana mae ri ia, iamintu sikamma musti tugasaka siagang lappasa' tugasaka ri anjo allo Pammari-marianga.

2 KARAENG-KARAENG 12:7

Lanri kammana anjo nakio'mi Yoas Imang Yoyada siagang sikamma imang-imang maraenga, nampa nakana, “Angngapa natena ngasempa nupakabajiki Balla'Na Batara? Appakkaramula anne alloa tena ngasemmo nanipa'biangko amboliki doe' nutarimaya. Kabusu'na musti nupassareangi untu' ampakabajiki Balla'Na Batara.”

1 PATTOTTORANG 9:13

Yangasenna imang a'jaria kapala kaluarga, iamintu 1.760 jaina. Cara'deki ke'nanga anggaukangi yangasenna jamang-jamang lalanga ri Balla'Na Batara.

2 PATTOTTORANG 15:12

A'janji ke'nanga mae ri Batara angkanaya lattojeng-tojengi atinna siagang pa'mai'na ke'nanga attallasa' situru' ero'Na Batara, Allata'alana boe-boena ke'nanga.

2 PATTOTTORANG 29:10

Kamma-kamma anne erokka' appare' parjanjiang siagang Batara, Allata'alana Israel, sollanna ammarimo larro mae ri katte.

NEHEMIA 10:29

Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

NEHEMIA 5:12

Appialimi anjo sikamma pamimpinga angkana, “Anjo pappakaingatta lanaturukimi ikambe. Yangasenna lanapoterangi ikambe siagang tena nalappala' ikambe apa-apa battu ri ke'nanga.” Kukio'mi sikamma imanga nampa kusuro anjo sikamma pamimpinga sumpadeng untu' assumpa ri dallekanna anjo imang-imanga, angkanaya le'ba'mi akkana kamma anjo ke'nanga, siagang lanagaukang tojeng-tojengi anjo kananna ke'nanga.

NEHEMIA 9:38

Lanri sikamma anjo apa kajarianga, ikambe ra'ya' Israel appare' maki' parjanjiang majarreka siagang tattulisi', nampa nisare sitempele' battu ri sikamma pamimpinna ikambe, tu Lewi, siagang sitau imang battu ri kambe.

LAMPA-LAMPANA 5:24

Ri wattunna nalangngere' perwira pangawalaka ri Balla'Na Batara siagang imang-imang kapalaya anjo laporanga, lingumi ke'nanga annawa-nawai passala'na anjo tunisuroNa Allata'ala. Siagang malla'mi ke'nanga ampikkiriki angkana apa are kutadeng lakajariang.

LAMPA-LAMPANA 5:26

Jari a'lampami perwira pangawala'na Balla'Na Batara siagang pangawalaka ngaseng, mange angngallei ammotere' anjo sikamma tunisuroNa Allata'ala. Mingka tena nanaerang passai ke'nanga, lanri mallaki ke'nanga ri tau jaia; gassingka nisambilai sallang batu ke'nanga ri anjo tau jaia.

YOSUA 24:25

Jari anjo alloa appare'mi parjanjiang Yosua siagang umma' Israel ri Sikhem. Siagang anjoreng napassareammi mae ri ke'nanga sikamma hukkung-hukkung siagang paratorang-paratorang mustia naturuki ke'nanga.

1 SAMUEL 18:3

Lanri kammana assumpami Yonatan la'jari agang siagang Daud situlusu'na.

1 SAMUEL 23:18

Nampa appare'mo Daud siagang Yonatan parjanjiang passari'battangang ri dallekanNa Batara. Le'baki anjo ammotere'mi Yonatan ri balla'na, na Daud ammantangiji ri Hores.