2 KARAENG-KARAENG 11:17 - KITTA' MATANGKASA'

¹⁷ Nasuroi Imang Yoyada Karaeng Yoas siagang ra'yaka appare' parjanjiang siagang Batara angkanaya la'jari ke'nanga Umma'Na Batara. Nasuro tongi karaenga appare' parjanjiang siagang ra'yaka.

2 KARAENG-KARAENG 11:17 ပူးပေါင်းရင်းမြစ်များ

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

2 KARAENG-KARAENG 11:4

Ri taung makatuju, sikamma perwira pangawala' kalenna karaeng bainea kammayatompa sikamma pangawala'na balla' karaenga nikioki ri Imang Yoyada untu' assibuntulu' siagang ia lalang ri Balla'Na Batara. Anjoreng nasuroi ke'nanga assumpa untu' anggaukangi rancanana. Napappicinikangi Yoas, ana' bura'nena Karaeng Ahazia, mae ri ke'nanga,

1 PATTOTTORANG 11:3

Jari appare'mi parjanjiang Daud siagang anjo pamimping-pamimpinna Israel. Nampa nalanti'mo ke'nanga Daud a'jari karaenna Israel sangkamma le'baka Napa'janjiang Batara tete ri Samuel.

2 PATTOTTORANG 23:16

Napalaki Imang Yoyada ri Karaeng Yoas siagang ri ra'yaka sollanna assama-sama ke'nanga siagang ia appare' parjanjiang angkanaya la'jari ke'nanga umma'Na Batara.

2 PATTOTTORANG 29:10

Kamma-kamma anne erokka' appare' parjanjiang siagang Batara, Allata'alana Israel, sollanna ammarimo larro mae ri katte.

EZRA 10:3

Umba kissumpa ri Allata'ala, angkanaya lanibongka ngasengi anjo bainea siagang ana'-ana'na ke'nanga. Lamannuruki ikambe ri kananta siagang pappakainga'na tu maraenga, ia tu ampakala'birikai parentaNa Allata'ala. Lamannuruki ikambe ri HukkunNa Allata'ala.

NEHEMIA 9:38

Lanri sikamma anjo apa kajarianga, ikambe ra'ya' Israel appare' maki' parjanjiang majarreka siagang tattulisi', nampa nisare sitempele' battu ri sikamma pamimpinna ikambe, tu Lewi, siagang sitau imang battu ri kambe.

YEREMIA 34:8

Karaeng Zedekia siagang pandudu'na Yerusalem appareki parjanjiang untu' ampakabebasaki

2 KORINTUS 8:5

Assaremi ke'nanga la'biangang ri naminasaia ikambe. Uru-uruna napassareammi kalenna ke'nanga mae ri Batara. Le'baki anjo napassareang tommi kalenna ke'nanga mae ri kambe, situru' ero'Na Allata'ala.

YOSUA 24:25

Jari anjo alloa appare'mi parjanjiang Yosua siagang umma' Israel ri Sikhem. Siagang anjoreng napassareammi mae ri ke'nanga sikamma hukkung-hukkung siagang paratorang-paratorang mustia naturuki ke'nanga.

1 SAMUEL 10:25

Nampa napakasingara' Samuel mae ri anjo bansaya antekamma ha'na siagang kawajibanna karaenga, nampa natulisi' lalang ri se'reang kitta', nampa naboli' ri tampa' matangkasaka. Le'baki anjo nasuromi Samuel anjo sikontu bansaya massing ammotere' mange ri balla'na.