2 KARAENG-KARAENG 11:15 - KITTA' MATANGKASA'

¹⁵ Tena napa'biangi Yoyada nibuno anjo Atalya ri ampi'na Balla'Na Batara. Jari nakanamo ri sikamma perwiraya, “Erangi assulu' battu ri barisanna pangawalaka siagang bunoi inai-nai ero' ampasalamaki.”

2 KARAENG-KARAENG 11:15 ပူးပေါင်းရင်းမြစ်များ

2 KARAENG-KARAENG 11:14

Nacini'mi anjo karaeng berua ammenteng ri pakke'bu' antamaya ri Balla'Na Batara ri napattampakkia nilanti', nitammulili ri perwira-perwiraya siagang patui' tarompeka. Sikontu ra'yaka akkio' rannu kabusuki nampa nipasa'raya tojeng tarompeka. Lussa'mi nasa'ring nyawana Atalya nanakekke' pakeanna, siagang a'gora angkana, “Pasingkongkolang! Pasikongkolang!”

2 KARAENG-KARAENG 11:16

Nijakkala'mi Atalya ri ke'nanga, nampa naerang mange ri balla' karaenga. Anjorengi nibuno ri dallekanna Pakke'bu' Lompo Jaranga.

2 KARAENG-KARAENG 11:4

Ri taung makatuju, sikamma perwira pangawala' kalenna karaeng bainea kammayatompa sikamma pangawala'na balla' karaenga nikioki ri Imang Yoyada untu' assibuntulu' siagang ia lalang ri Balla'Na Batara. Anjoreng nasuroi ke'nanga assumpa untu' anggaukangi rancanana. Napappicinikangi Yoas, ana' bura'nena Karaeng Ahazia, mae ri ke'nanga,

2 PATTOTTORANG 23:14

Tena nipa'biangi ri Yoyada nibuno Atalya ri ampi'na Balla'Na Batara; jari nakanamo ri sikamma perwiraya, “Erangi assulu' battu ri barisanna pangawalaka, siagang bunoi punna nia' tau ero' ampasalamaki, manna pole inai.”

2 PATTOTTORANG 23:9

Nabage-bagemi Yoyada mae ri sikamma anjo perwiraya iamintu pokena siagang pannangkisi'na Karaeng Daud niaka niboli' lalang ri Balla'Na Batara.

KALAPPASSANG 21:14

Mingka punna nia' tau nabattui bambang nyawana siagang nakunjungi memang tongi ambunoi paranna tau, nampa lari mange ri tampa' pakkoro'bangngangKu untu' a'boya pa'la'langngang, anjo tau kammaya musti niallei battu ri tampa' pakkoro'bangngangKu nampa nihukkung matei.

YEHEZKIEL 21:14

Jari he tau, a'boto mako. Tempai limannu, salaku pammatei mae ri anjo pa'danga untu' appakkaramula ammuno. Anjo pa'danga sanna' appakamalla'-malla'na.

YEHEZKIEL 9:7

Nakana Allata'ala ri ke'nanga, “Ra'massi anne BallakKu! Pirassi sikamma paranglakkenna siagang maya'. Appakkaramula mako!” Jari appakaramulami ke'nanga ambunoi sikamma tau niaka lalang ri kotaya.

LAMPA-LAMPANA 21:30

A'jari sanna'mi ricuna taua ri sikontu anjo kotaya, siagang assilari-larimi mange a'lipung. Najakkala'mi ke'nanga Paulus, nampa nare'resang assulu' ri Balla'Na Batara. Anjo wattua nitongko'mi linta' pakke'bu' Balla'Na Batara.