2 KARAENG-KARAENG 11:14 - KITTA' MATANGKASA'

¹⁴ Nacini'mi anjo karaeng berua ammenteng ri pakke'bu' antamaya ri Balla'Na Batara ri napattampakkia nilanti', nitammulili ri perwira-perwiraya siagang patui' tarompeka. Sikontu ra'yaka akkio' rannu kabusuki nampa nipasa'raya tojeng tarompeka. Lussa'mi nasa'ring nyawana Atalya nanakekke' pakeanna, siagang a'gora angkana, “Pasingkongkolang! Pasikongkolang!”

2 KARAENG-KARAENG 11:14 ပူးပေါင်းရင်းမြစ်များ

PA'JARIANG 37:29

Ri wattunna ammotere' Ruben mange ri anjo bungunga nampa tanabuntulamo Yusuf anjoreng, nakekke'mi bajunna lanri si'nana nyawana.

PA'JARIANG 44:13

Sanna'mi susana pa'mai'na sikamma daenna, sa'genna nakekke'mi pakeanna ke'nanga. Napanai'mi ke'nanga anjo tekekanna keledaina nampa ammotere' mange ri kotaya.

1 KARAENG-KARAENG 1:25

Annemi alloa nale'ba' assare jai koro'bang gimbala', sapi laki, siagang ana' sapi co'mo'-co'moka. Yangaseng ana'-ana' bura'neta naundangi. Kammayatompa sikamma panglima tantarata siagang Imang Abyatar. Kamma-kamma anne sitabangi ke'nanga assua'-suara' siagang akkiok-kio' rannu angkana, ‘Attalasaki Karaeng Adonia!’

2 KARAENG-KARAENG 11:15

Tena napa'biangi Yoyada nibuno anjo Atalya ri ampi'na Balla'Na Batara. Jari nakanamo ri sikamma perwiraya, “Erangi assulu' battu ri barisanna pangawalaka siagang bunoi inai-nai ero' ampasalamaki.”

2 KARAENG-KARAENG 9:13

Akkaro-karomi agang-aganna Yehu ansungkei jubana ke'nanga nampa napaka'rang ri tukaka ri dallekanna Yehu. Nampa appasa'ra ke'nanga tarompe' siagang a'gora angkana, “Yehu a'jari karaeng!”

2 KARAENG-KARAENG 9:23

Ammarrammi Yoram angkana, “Anne taua bali Ahazia!” Nampa napabilu' karetana Yoram nalari.

1 PATTOTTORANG 12:40

Manna suku-suku battu bellaya bageang wara' iamintu: suku Isakhar, Zebulon, siagang Naftali, para battumi siagang keledai, unta, bagal, siagang sapi, massing atteke' angngerang apa-apa nikanre, iamintu: labu', rappo ara, kismis, anggoro', siagang minynya' zaitun. Angngerang tongi ke'nanga sapi siagang gimbala' untu' nipolong siagang nikanre. Yangasenna anjo anjari pammatei antekamma rannuna ngaseng sikontu ra'yaka ri Israel.

PANGNGEBARANG 29:2

Punna tau adele' ammarenta, rannui ra'yaka. Mingka punna tau ja'dala' koasa, sessai ra'yaka.

LUKAS 19:37

Ri wattunna a'reppese'mo ri Yerusalem, ri agang anynyoloroka ri Bonto Zaitun, appakkaramula ngasemmi sikamma ana' gurunNa akkiok-kio' mammuji-muji ri Allata'ala. Siagang appala' sukkuru'mi ke'nanga ri Allata'ala, lanri le'ba'na ngasemmo nacini' ke'nanga sikamma gau'-gau' appakalannasa' le'baka Nagaukang Isa.