2 KARAENG-KARAENG 10:8 - KITTA' MATANGKASA'

⁸ Le'ba'na nipauang Yehu anjo passalaka, naparentakammi sollanna nisusung anjo sikamma ulua a'jari ruang gompo ri pakke'bu' lompona kotaya, siagang niboli' anjoreng sa'genna bari'basa'.

2 KARAENG-KARAENG 10:8 ပူးပေါင်းရင်းမြစ်များ

1 KARAENG-KARAENG 21:14

Nampa nipabattumo anjo kabara' nibunona Nabot mange ri Izebel.

2 KARAENG-KARAENG 10:7

Le'baki natarima ke'nanga anjo sura'na Yehu, nibunomi ri tutoa-toana tau jaia ri kota Samaria anjo tujupuloa ana' cucunna Ahab, nampa nipantama' ulunna ke'nanga ri karanjenga, nampa nikiring mange ri Yehu ri Yizreel.

2 KARAENG-KARAENG 10:9

Bari'basaki assulu'mi Yehu mange ri pakke'bu' lompoa, nampa nakana ri sikamma tau niaka a'rappung anjoreng, “Inakkemi le'baka assikongkolo' angngewai siagang ambunoi Karaeng Yoram; ikau tena ngaseng nusala lalang ri anne passalaka. Mingka sikontu anne taua teai inakke ambunoi.

MARKUS 6:28

Nampa naerang ulunna napadongko' irate ri kapparaka, na napassareang mae ri anjo tuloloa. Nampa napassareang pole anjo tuloloa ulunna Yohanes mae ri amma'na.

PAOLE 21:23

anjo mayaka takkulleai niboli' anjoreng sila'busu' bangngi, mingka musti nitarawang memangi anjo wattua. Maya' ammantanga ta'gentung ri bentenga appabattui pattunra battu ri Allata'ala mae ri anjo pa'rasanganga. Jari, tarawangi anjo mayaka sollanna tena nara'massi pa'rasangang Napassareanga Karaeng Allata'alanu mae ri kau.