2 KARAENG-KARAENG 10:25 - KITTA' MATANGKASA'

²⁵ Silalonna le'ba'na Yehu assare koro'bang, assulu'mi nampa nakana mae ri sikamma pangawalaka siagang perwiraya, “Antama'mako nampa nubuno kabusu' ke'nanga. Teako lappassangi manna sitau ta'lappasa'!” Jari antama'mi ke'nanga siagang pa'dang ta'bi'bu', nampa nabuno kabusu' sikamma tau niaka anjoreng, nampa nare'resang maya'na ke'nanga assulu'. Nampa antama' ke'nanga ri bageang lalanna balla' panynyombanga,

2 KARAENG-KARAENG 10:25 ပူးပေါင်းရင်းမြစ်များ

1 KARAENG-KARAENG 18:40

Jari nakanamo Elia, “Jakkala' ngasengi anjo na'bi-na'bi Baal! Teako lappassangi nia' ta'lappasa' manna sitau!” Nampa nijakkala' ngasemmo anjo na'bi-na'bia ri anjo taua. Nampa nierang anjo na'bi-na'bi Baal ri Elia mange ri Binanga Kison, nanabuno ngaseng ke'nanga anjoreng.

2 KARAENG-KARAENG 11:18

Le'baki anjo appada-padami ra'yaka a'bakka mange anruntungi balla' panynyombanga ri Baal. Tampa' pakkoro'bangnganna siagang patung-patunna niancuru' kabusuki. Nampa imanna Baalka iamintu Matan, nibunoi ri dallekanna sikamma anjo tampa'-tampa' pakkoro'bangnganga. Nasaremi Yoyada tugasa' pangawalaka untu' anjagai Balla'Na Batara,

2 KARAENG-KARAENG 23:20

Sikontu imang-imang tugasaka ri tampa'-tampa' panynyombanga ri rewataya nibuno kabusuki irate ri tampa'-tampa' pakkoro'bangngang tampa' napanjamaia ke'nanga. Siagang ri sikontu anjo tampa' pakkoro'bangnganga attunui Yosia buku-buku tau. Le'baki anjo ammotere'mi mange ri Yerusalem.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

KALAPPASSANG 32:27

na nakanamo Musa ri ke'nanga, “Karaeng Allata'alana Israel amparentakangi mae ri kau ngaseng untu' ambi'buki pa'dannu nampa a'jappa allalo ri anne pakkemaanga, appakkaramula battu ri anne pakke'bu' lompoa sa'genna mange ri pakke'bu' lompo maraengannaya, nampa nubuno sikamma sari'battannu, sikamma sahaba'nu siagang sikamma siampi' balla'nu.”

1 SAMUEL 22:17

Nampa naparentakammo mae ri sikamma pangawala'na niaka ammenteng ri ampi'na, nakana, “Buno ngasengi anjo imang-imanNa Batara! Assikongkolo'mi ke'nanga siagang Daud. Naassengi ke'nanga angkanaya lari Daud battu ri nakke, mingka tena naero' ke'nanga ampauanga'.” Mingka taerokai anjo sikamma pangawalaka ambunoi anjo imang-imanNa Batara.