2 KARAENG-KARAENG 10:23 - KITTA' MATANGKASA'

²³ antama'mi Yehu ri anjo balla' panynyombanga siagang Yonadab ana'na Rekhab, nampa nakana mae ri sikamma tau niaka anjoreng, “Paressa bajiki apaka anne sikontu tau niaka hadere', sangnging tau anynyombaji ri Baal. Gassingka nia' anrinni tau anynyomba ri Batara.”

2 KARAENG-KARAENG 10:23 ပူးပေါင်းရင်းမြစ်များ

2 KARAENG-KARAENG 10:22

Naparentakangi Yehu sollanna nisare kabusu' pakeang sambayang ri pangurusu' pakeang sambayanna anjo balla' panynyombanga anjo sikontu tau battua ero' anynyomba ri Baal. Le'ba'na nigaukang anjo apa naparentakanga Yehu,

2 KARAENG-KARAENG 10:24

Nampa assaremo koro'bang Yehu siagang Yonadab mae ri Baal. Ri pantaranna balla' panynyombanga, nia'mo napasadia Yehu 80 tau pangawala' siagang perwira. Le'ba' tommi naparentakang mae ri ke'nanga parenta kammaya anne, “Musti nubuno kabusuki anjo taua. Inai-nai allappassangi kalase'renna battu ri ke'nanga lari lanibunoi!”

YEREMIA 35:6

Mingka appiali ke'nanga angkana, “Tena nangnginung anggoro' ikambe. Boena ikambe iamintu Yonadab ana'na Rekhab, napisangkai ikambe kammayatompa jari-jarina ikambe angnginung anggoro'. Anjo pappisangkaya tappakei sa'genna satunggu-tungguna.

MATIUS 13:30

Lappassammi attimbo todong anjo reaya sa'genna narapi' wattu pakkattoanga. Lakusuroi sallang pakattoa angkana: Passe'rei rolong anjo reaya siagang sikko' ngasengi nampa nitunu pepe'. Le'baki anjo passe'remi anjo asea, nampa nuboli' lalang ri pammantanganna.’ ”

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.