2 KARAENG-KARAENG 10:11 - KITTA' MATANGKASA'

¹¹ Nampa nabuno Yehu sikontu bija pammanakanna Ahab maraenga niaka ammantang ri Yizreel, kammayatompa sikontu pagawena, agang-agang baji'na, siagang imang-imanna; tena manna sitau nalappassang attallasa'.

2 KARAENG-KARAENG 10:11 ပူးပေါင်းရင်းမြစ်များ

1 KARAENG-KARAENG 14:10

Lanri kammana anjo laKupabattui balaya mae ri kaluarganu. Yangasenna kaluarganu bura'nea, manna pole apa kadudukanna, lanibunoi. LaKupa'lanynyaki kaluarganu, sangkamma tau a'barrasaka loro sa'genna tangkasa'.

1 KARAENG-KARAENG 15:29

Tasalloai Baesa a'jari karaeng, nabunomi sikontu kaluargana Yerobeam. Situru' apa le'baka Napau Batara tete ri atanNa, Na'bi Ahia battu ri Silo, nanibuno ngasemmo sikontu kaluargana Yerobeam, manna sitau tania' lappasa'.

1 KARAENG-KARAENG 16:11

Tasalloai a'jari karaennamo Zimri, nabuno ngasemmi sikontu kaluargana Baesa. Ba'lalo sikontu bija-bijanna Baesa bura'nea kammayatompa agang-aganna kaluargana tena todong ta'lappasa'.

1 KARAENG-KARAENG 18:19

Kamma-kamma anne parentakammi sikontu ra'ya' Israel untu' angngaganga' sibuntulu' ri Moncong Karmel. Erang tongi anjo 450 na'bi Baal siagang 400 na'bi rewata baine Asyera, ia niongkosia ri Izebel bainenna karaenga!”

1 KARAENG-KARAENG 18:40

Jari nakanamo Elia, “Jakkala' ngasengi anjo na'bi-na'bi Baal! Teako lappassangi nia' ta'lappasa' manna sitau!” Nampa nijakkala' ngasemmo anjo na'bi-na'bia ri anjo taua. Nampa nierang anjo na'bi-na'bi Baal ri Elia mange ri Binanga Kison, nanabuno ngaseng ke'nanga anjoreng.

1 KARAENG-KARAENG 21:22

Kaluarganu la'jari sangkammai kaluargana Karaeng Yerobeam ana'na Nebat siagang sangkammai kaluargana Karaeng Baesa ana'na Ahia, lanri ikaumi a'jari passabakkang nadoraka tu Israel sa'genna napakabattu larroKu.’

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

2 KARAENG-KARAENG 10:12

Nabokoi Yehu Yizreel nampa a'lampa mange ri Samaria. Ri tangngana aganga, iamintu ri tampa' niarenga “Kampong Pakalawaki”,

2 KARAENG-KARAENG 23:20

Sikontu imang-imang tugasaka ri tampa'-tampa' panynyombanga ri rewataya nibuno kabusuki irate ri tampa'-tampa' pakkoro'bangngang tampa' napanjamaia ke'nanga. Siagang ri sikontu anjo tampa' pakkoro'bangnganga attunui Yosia buku-buku tau. Le'baki anjo ammotere'mi mange ri Yerusalem.

2 KARAENG-KARAENG 9:7

Lanupaccappuki kaluargana karaennu Ahab. Lalang kammana anjo naKuhukkummo Izebel le'baka ambunoi na'bi-na'biKu siagang sikamma atangKu maraengannaya.

2 KARAENG-KARAENG 9:9

Kaluargana laKupasangkammai le'baka Kugaukang mae ri kaluargana Yerobeam siagang kaluargana Baesa, karaeng-karaenna Israel.

2 PATTOTTORANG 22:7

Le'baki Napattantu Allata'ala angkanaya lanarapiki a'jala'na Ahazia ri wattunna a'lampa angkunjungi Yoram. Anjo ri wattu a'lampana Ahazia angkunjungi Yoram, nia'mo sitau angngewai ke'nanga, iamintu tuniarenga Yehu ana' bura'nena Nimsi, le'baka nipile ri Batara untu' angngancuruki kaluargana Karaeng Ahab.

2 PATTOTTORANG 22:8

Lalang nagaukanna Yehu anjo hukkunganNa Batara mae ri anjo kaluargaya, assigappai siagang se're rombongang tumalompona Yehuda siagang kamanakang-kamanakanna Ahazia niaka todong amminawang battu attoa'. Jari nabuno kabusu'mi Yehu anjo ke'nanga.

AYUB 18:19

Tenamo ana'na na turunganna; ri bori' parang lakkenna tenamo tassesa manna sitau.

PAMMUJI 109:13

Boli'mi kamma nipaccappu' sikontu turunganna, na nikaluppai arenna ri ana'-ana' ri bokoa.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

HOSEA 1:4

Nakanamo Batara ri nakke, “Arengi anjo ana'nu Yizreel, nasaba' tasalloami nalaKuhukkung Karaeng Israel, lanri pammunoang nagaukanga Yehu, boe-boena, ri Yizreel. LaKupa'le'baki pamarentahanna jari-jarina Yehu.

YOSUA 10:30

Nisare tommi pammetang tu Israel ri Batara mange ri anjo kotaya siagang karaenna. Tena manna sitau nilappassang attallasa'; sikontu tau niaka ri anjo kotaya nibuno ngasengi. Nagaukammi Yosua mae ri anjo karaeng Libna sangkamma apa le'baka nagaukang mae ri karaeng Yerikho.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 20:10

Nampa nipasambila anjo Billisi' antipuai ke'nanga antama' ri tamparang pepeka siagang bara a'rinraya. Anjoremmi rolong nipela' anjo olo'-oloka siagang na'bi takontutojenga. Tammari-mariai ke'nanga lanisessa allo bangngi sa'genna satunggu-tungguna.