2 KARAENG-KARAENG 10:1 - KITTA' MATANGKASA'

¹ Nia' tujupulo tau ana' cucunna Ahab ammantang ri kota Samaria. Lanri kammana anjo akkirimmi sura' Yehu mange ri Samaria, iamintu mae ri sikamma tau a'jari tutoaya mae ri ana' cucunna Ahab, kammayatompa mae ri sikamma tau anna'galaka pamarentahang siagang tutoa-toana tau jaia ri anjo kotaya. Kammaminne bonena anjo suraka,

2 KARAENG-KARAENG 10:1 ပူးပေါင်းရင်းမြစ်များ

1 KARAENG-KARAENG 13:32

Anjo apa le'baka napau lanri parentaNa Batara ri anjo tampa' pakkoro'bangnganga ri Betel siagang ri sikontu tampa' passambayanganga ri kota-kota Samaria, mattantu lakajariangi.”

1 KARAENG-KARAENG 16:24

Mingka ribokoanganna ammallimi se're moncong 6.000 doe' pera' ballinna battu ri sitau niarenga Semer. Nampa ambangung se're kota ri anjo monconga siagang naareng Samaria, situru' arenna Semer, areng patannaya riolo anjo monconga.

1 KARAENG-KARAENG 16:28

Matenamo Omri siagang nitarawang ri Samaria, Ahab ana'na ansambeangi a'jari karaeng.

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

2 KARAENG-KARAENG 5:3

Ri se'reang allo nakanamo anjo palayanga mae ri pinggawana, “Ibu', ebara' angkana a'lampa bapaka mange ri na'bi niaka ammantang ri Samaria, mattantuna lanipammollei bapaka ri anjo na'bia.”

2 PATTOTTORANG 22:9

Nampa nasuro taua amboyai Ahazia a'lampaya accokko anjo wattua ri Samaria. Nabuntulu'na Ahazia, nierammi mange ri Yehu nampa nibuno. Mingka manna nakamma nitarawang tonji ri ke'nanga lanri napakalompoi Karaeng Yosafat, toana attojeng-tojenga pa'mai'na anynyomba mae ri Batara. Tena tau battu ri kaluargana akkulle angngallei ammotere' kakoasang pamarentahanga.

HOSEA 1:4

Nakanamo Batara ri nakke, “Arengi anjo ana'nu Yizreel, nasaba' tasalloami nalaKuhukkung Karaeng Israel, lanri pammunoang nagaukanga Yehu, boe-boena, ri Yizreel. LaKupa'le'baki pamarentahanna jari-jarina Yehu.

PAMMILANGNGANG 11:12

Inakkeka antianangngangi yareka allassukangi anjo ke'nanga? Angngapa Kisuroa' a'jari sangkamma patarinti akkalawinga ana' ca'di, sa'genna musti tulusu' kuparakainna ke'nanga lalang pa'jappang mange ri butta Kipa'janjianga mae ri boe-boena ke'nanga?

PAOLE 16:18

“Ri tunggala' kota Napassareanga Karaeng Allata'alanu mae ri kau, musti angngangkakko haking-haking siagang patugasa'-patugasa' maraengannaya untu' angngadeli kara-karana ra'yaka siagang adele'.

HAKING-HAKING 10:4

Nia' tallumpulo tau ana' bura'nena. Nia' tallumpulo keledaina ke'nanga siagang tallumpulo desana ri daera Gilead. Anjo desa-desaya tuli niarengiji desa-desa Yair.

HAKING-HAKING 12:14

Nia' patampulo ana' tu bura'nena, na nia' tallumpulo cucu-cucu bura'nena. Massing nia' tasse'renna ke'nanga sikayu keledaina. Sagantuju taungi sallona nipimping umma' Israel ri Abdon.

HAKING-HAKING 8:30

Nia' tujupulo ana' bura'nena, lanri jaina bainenna.