2 KARAENG-KARAENG 1:4 - KITTA' MATANGKASA'

⁴ Pauangi karaenga angkana akkana kammai anne Batara, ‘Tena nukkulle la'jari baji', mingka lamateko!’ ” Le'ba'na nagaukang Elia anjo parentaNa Batara,

2 KARAENG-KARAENG 1:4 ပူးပေါင်းရင်းမြစ်များ

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

PA'JARIANG 3:4

Appialimi anjo ularaka angkana, “Takammayai anjo; tena nulamate.

1 KARAENG-KARAENG 14:12

Nampa pole nakana Na'bi Ahia ri bainenna Yerobeam, “Jari ammotere' mako kamma-kamma anne! Ri wattu antama'nu ri kotaya, lamatemi anjo ana'nu.

1 KARAENG-KARAENG 18:2

Jari a'lampami Elia. Anjo wattua teaimi sipato' sanna'na nataba bala kacipurang taua ri Samaria.

2 KARAENG-KARAENG 1:16

Nampa nakanamo Elia ri karaenga, “Nakana Batara, ‘Nusuroi taua mange appala' pitunju' ri Baal-Zebub rewatana kota Ekron, rapang angkana tena Allata'ala ri Israel akkullea nipakkuta'nangngi. Lanri kammana anjo takkulleako la'jari baji', mingka lamateko!’ ”

2 KARAENG-KARAENG 1:5

ammotere'mi anjo sikamma tau nasuroa mae ri karaenga; nampa akkuta'nang karaenga angkana, “Angngapa nummotere' ngaseng?”

2 KARAENG-KARAENG 1:6

Appialimi ke'nanga angkana, “Nia' sitau bura'ne battu mae ri kambe nampa nasuro ikambe ammotere' untu' ampabattui mae ri karaenga angkanaya akkana kammai anne Batara mae ri karaenga, ‘Apaka tena Allata'ala ri Israel, sa'gennu assuro appala' pitunju' mae ri Baal-Zebub, rewatana kota Ekron? Tena nukkulle la'jari baji', mingka lamateko!’ ”

2 KARAENG-KARAENG 20:1

Ri anjo wattua garring lattangi Karaeng Hizkia. Sanna' sikali anjo garrinna sa'genna a'birimmo mate. Battumi Na'bi Yesaya ana'na Amos angkunjungi siagang nakana, “Appasangi Batara sollanna kipa'le'ba' sikontu urusanga, nasaba' tena kila'jari baji'. Tenamo nasallo kimate.”

2 KARAENG-KARAENG 8:10

Appialimi Elisa angkana, “Napaui Batara mae ri nakke angkanaya lamatei. Mingka pauang mami angkanaya lammollei ri garrinna.”

PANGNGEBARANG 11:19

Inai talanrea a'gau' baji', lamate'nei tallasa'na; inai ero' dudu a'gau' ja'dala' lamangei ri kamateang.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

1 SAMUEL 28:19

Ikau siagang tu Israel laNapassareangko mae ri tu Filistin. Ammuko, ikau siagang ana' bura'nenu la'rappungangko siagang inakke; ba'lalo sikontu tantara Israel lanipassareang tongi mae ri tu Filistin.”