2 KARAENG-KARAENG 1:2 - KITTA' MATANGKASA'

² Ri se'reang allo tu'guruki Karaeng Ahazia iamintu karaeng Israel battu ri baruga bageang ratena balla' kakaraenganga ri Samaria, sa'genna loko' sanna'. Jari assuromi tau untu' a'lampa akkuta'nang ri Baal-Zebub, rewata ri kota Ekron ri Filistin, apaka akkullei a'jari baji' yareka tena.

2 KARAENG-KARAENG 1:2 ပူးပေါင်းရင်းမြစ်များ

1 KARAENG-KARAENG 11:33

LaKugaukangi anjo kammaya lanri nabokoiMa' Salomo nampa anynyomba ri rewata-rewataya, iamintu: Asytoret, rewata baine battu ri Sidon; Kamos, rewata bansa Moab, siagang Milkom, rewata bansa Amon. Tena naturuki Salomo erokKu. Tena nasangkamma Daud manggena mannurukia ri Nakke siagang anggaukangai parenta-parentaKu.

1 KARAENG-KARAENG 14:3

Pangngerangngangi sampulo batunna roti, sike'de' kanrejawa, siagang sibotolo' je'ne' bani. Pakkuta'nangngangi ri ia angkanaya apa lakajariang ri Abia, anatta. Lanapauangko anjo na'bia.”

1 KARAENG-KARAENG 22:34

Sitabangi nia' sitau tantara Siria allappassangi ana' panana, natena nakunjungi angkana nai lanapitabai. Mingka anjo ana' panaya natabai Ahab na natarrusu' baju pa'bundukanna ri bageang sambunna. Ammarrammi Ahab mae ri paerang karetana angkana, “Nitaba'! Putaraki nanueranga' assulu' ri anne tampa' pa'bundukanga!”

1 KARAENG-KARAENG 22:40

Le'ba'namo mate Ahab, Ahazia ana'na ansambeangi a'jari karaeng.

2 KARAENG-KARAENG 1:16

Nampa nakanamo Elia ri karaenga, “Nakana Batara, ‘Nusuroi taua mange appala' pitunju' ri Baal-Zebub rewatana kota Ekron, rapang angkana tena Allata'ala ri Israel akkullea nipakkuta'nangngi. Lanri kammana anjo takkulleako la'jari baji', mingka lamateko!’ ”

2 KARAENG-KARAENG 1:3

Mingka nasuroi malaeka'Na Batara Na'bi Elia, iamintu na'bi battua ri Tisbe, a'lampa angngagangi sibuntulu' anjo sikamma tau nasuroa Karaeng Ahazia untu' angkana, “Apaka tena Allata'ala ri Israel sa'gennu ero' a'lampa appala' pitunju' mae ri Baal-Zebub, anjo rewatana kota Ekron?

2 KARAENG-KARAENG 1:6

Appialimi ke'nanga angkana, “Nia' sitau bura'ne battu mae ri kambe nampa nasuro ikambe ammotere' untu' ampabattui mae ri karaenga angkanaya akkana kammai anne Batara mae ri karaenga, ‘Apaka tena Allata'ala ri Israel, sa'gennu assuro appala' pitunju' mae ri Baal-Zebub, rewatana kota Ekron? Tena nukkulle la'jari baji', mingka lamateko!’ ”

2 KARAENG-KARAENG 17:16

Nadakkai kabusuki sikamma hukkunNa Batara, Allata'alana ke'nanga siagang appareki ke'nanga ruang kayu sapi tambaga untu' nasomba. Appareki ke'nanga patung Dewi Asyera, anynyombai bintoeng siagang mae ri Rewata Baal.

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

YESAYA 2:6

O, Allata'ala, Kibokoimi ummatTa, turunganna Yakub! Saba' kemae-kemae taua ri anne pa'rasanganga ammakei pangngassengang baca-baca battu raya siagang battua ri Filistin. Napalembai ada'-ada'na bansa maraenga.

YESAYA 37:12

Ri wattunna naancuru' boe-boeku kota Gozan, Haran, siagang Rezef, kammayatompa nabuno sikamma tu Eden niaka ammantang ri Telasar, tena manna se're rewatana ke'nanga ampasalamaki ke'nanga.

YESAYA 37:19

Sikamma rewatana ke'nanga natunu tommi siagang naancuru' tommi, lanri sikamma anjo rewataya tena sikali koasana. Anjo rewataya poro patung kayuji siagang patung batuji, bate pare' rupatau.

MATIUS 10:25

Sukku'mi sa'genna punna a'jari sangkamma ana' gurua siagang gurunna; yareka a'jari sangkamma palayanga siagang karaenna. Punna nigallara'mo Pinggawa setang kapala ruma tanggaya, la'biangampa pole kodina lanigallarrangi bone balla'na!”

MARKUS 3:22

Guru-guru agama battua ri Yerusalem angkanami, “Napantamai Pinggawana Setang! Iaminjo Pinggawana Setanga assarei koasa nakkulle Nabongka setanga.”

LUKAS 11:15

Mingka nia' tommo tau angkana, “Nakkulle Nabongka setanga, nasaba' nisarei koasa ri Beelzebul, Pinggawana setang-setanga.”

LAMPA-LAMPANA 20:9

Nia'mo se're turungka ammempo ri jandelaya niarenga Eutikhus. Lanri tenapa nammari-mari a'bicara Paulus, ta'do'do' sikalimi anjo turungkaya. Tanasa'ringami kalenna nattinro ri jandelaya sa'genna tu'guru' naung battu rate ri loteng makatallua. Ri wattunna niangka', niassemmi angkana matemi anjo turungkaya.

YOSUA 15:11

Battu ri Timna, anjo garisi' pa'baeng-baenga a'lampa mangei ri bageang warakkanna Moncong Ekron, nampa a'lekko mange ri Sikron, allalo ri Moncong Baala, tulusu' mange ri Yabneel, nampa kala'busang ri Tamparang Tangngaya,

HAKING-HAKING 11:24

Na kamma-kamma anne apaka erokko angngallei ammotere'? Anjo butta nasareangko rewatanu Kamos, akkullei tuli nupatang. Mingka apa le'bakamo Napassareang Batara, Allata'alana ikambe mae ri kambe, lanapartahangkangi ikambe.

HAKING-HAKING 5:28

Battu ri jandelana na mattayang amma'na Sisera, nanakanamo, “Angngapai natena memampa nabattu karetana, angngapa natakalangngerang sa'ra bangkeng jaranna?”

1 SAMUEL 5:10

Jari niantara'mi anjo Patti Parjanjianga mange ri Ekron, kotana Filistin maraenganga. Battuna anjo pattia anjoreng, ammarrammi panduduka anjoreng angkana, “Nierangi anjo Patti ParjanjianNa Allata'alana Israel untu' ambuno ngasengki'.”