2 KARAENG-KARAENG 1:17 - KITTA' MATANGKASA'

¹⁷ Namatemo Ahazia sangkamma kananNa Batara tete ri Na'bi Elia. Lanri tenana ana'na Ahazia bura'ne, jari Yoram sari'battanna ansambeangi a'jari karaeng. Anjo sikammaya kajariangi ri taung makarua ammarentana Yehoram ana'na Yosafat, karaeng Yehuda.

2 KARAENG-KARAENG 1:17 ပူးပေါင်းရင်းမြစ်များ

1 KARAENG-KARAENG 17:16

Siagang sangkamma apa le'bakamo Napau Karaeng Allata'ala tete ri Na'bi Elia, anjo mangkoka tuli nia'na labu' bonena, siagang anjo pole botoloka tuli nia'na minynya' bonena.

1 KARAENG-KARAENG 22:38

Ri wattunna nitangkasi karetana ri kollang Samaria, sitabangi nia' sikamma bai'-baine pasundala' anjoreng a'je'ne', siagang konkonga allepaki ceraka ri anjo karetaya, coco' le'baki siagang apa le'baka Napau Batara.

1 KARAENG-KARAENG 22:42

Anjo wattua umuru'na tallumpulo allima taung. Ammarentai ri Yerusalem ruampulo allima taung sallona. Amma'na iamintu Azuba ana'na Silhi.

2 KARAENG-KARAENG 1:18

Carita maraengannaya ri passala'na apa nagaukanga Karaeng Ahazia niaki nitulisi' lalang ri kitta' Riwaya'na sikamma karaeng Israel.

2 KARAENG-KARAENG 10:17

Battuna ke'nanga mange anjoreng, nabunomi Yehu anjo sikontu bija pammanakanna Ahab, tena manna sitau nalappassang ammantang. Kajariang kabusu'mi anjo sikammaya situru' apa le'baka Napau Batara mae ri Elia.

2 KARAENG-KARAENG 3:1

Ri taung makasampulo assagantuju ammarentana Yosafat salaku karaeng tu Yehuda, Yoram ana'na Ahab a'jari karaeng Israel siagang ammarentai ri Samaria sampulo anrua taung sallona.

2 KARAENG-KARAENG 9:36

Le'ba'na nilaporo' anjo passalaka mae ri Yehu, nakanamo Yehu, “Anne kammaya le'ba'mi Natappu riolo Batara, ri wattunna akkana kamma anne tete ri Elia atanna: ‘Maya'na Izebel lanikanrei ri kongkong ri daera Yizreel,

2 PATTOTTORANG 17:1

Yosafat a'jari karaeng ri Yehuda untu' ansambeangi Asa manggena. Napakajarreki kalenna untu' angngewai tu Israel.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.