2 KARAENG-KARAENG 1:13 - KITTA' MATANGKASA'

¹³ Sikalipi pole assuro karaenga sitau perwira siagang limampulo ana' buana. Anjo perwiraya naiki ri bontoa siagang ri wattunna battu ri dallekanna Elia akkulantu'mi nampa angkana, “Pammopporanga', o, atanNa Allata'ala! Kikamaseanga' siagang anne limampuloa ana' buaku. Teaki' bunoi ikambe!

2 KARAENG-KARAENG 1:13 ပူးပေါင်းရင်းမြစ်များ

1 KARAENG-KARAENG 13:6

Nampa nakanamo Karaeng Yerobeam ri anjo na'bia, “Tulunga' nuppala' doang mae ri Karaeng Allata'alanu untu' inakke. Palaki pangngamaseanNa sollanna Napakabaji' limangku!” Appala' doammi anjo na'bia ri Batara, nampa baji'mo limanna karaenga.

2 KARAENG-KARAENG 1:12

Appialimi Elia angkana, “Punna padeng atanNa' Allata'ala, poro naung laloi pepeka battu ri langika na nakanre ngasengko siagang sikontu ana' buanu!” Anjo memang wattua nia'mo pepe' naung angkanrei anjo perwiraya siagang limampuloa ana' buana.

2 KARAENG-KARAENG 1:14

Rua perwira maraeng siagang ana' buana mate kabusu'mi nakanre pepe' battu ratea ri langika, mingka inakke kupalaki nakikamaseanga'!”

PAMMUJI 102:17

punna nabangung Batara ammotere' Sion, na maju lalang ri kalompoanNa.

PAMMUJI 72:14

Nalappassangi ke'nanga battu ri panjallakkanga siagang katerassanga, saba' lompoi anggaranna katallassanna ke'nanga mae ri ia.

KALAPPASSANG 11:8

Kala'busanna nakanamo Musa, “Sikontu pagaweta labattu ngasengi mae ri nakke siagang lasu'juki ri dallekangku sollanna kubokoi anne pa'rasanganga siagang bansaku. Le'baki anjo la'lampama'.” Nampa sanna'mo larrona Musa na nabokoi karaenga.

PANGNGEBARANG 27:22

Manna pole nitunrung sarring tau toloa, talalanynyaki katoloanna.

KATO'BA 9:3

Jari, sare sangkamma tonji antujui ke'nanga ngaseng. Na anjo passalaka appakasi'nai pa'mai', sangkamma todong sikontu kaja'dallanga ri lino. Lalang tallasa'na rupataua, rassi ka'ja'dallang atinna, siagang pikkiranna rassi todong katoloang. Nampa ti'ring narapi'mo a'jala'na.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YAKOBUS 4:7

Lanri kammana, tundu' mako mae ri Allata'ala, siagang ewai Billisika, sollanna lari Billisika battu ri kau.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.

1 SAMUEL 26:21

Appialimi Saul angkana, “A'gau' dorakama'. Daud, ammotere' mako ana'! Tenamo nakula'gau' ja'dala' mae ri kau, lanri nurellakanga' attallasa' ri bangngia. Tolo sikali panggaukangku. Lingu tojeng-tojemma' nakke!”