2 KARAENG-KARAENG 1:10 - KITTA' MATANGKASA'

¹⁰ Appialimi Elia angkana, “Punna padeng atanNa' Allata'ala, poro naung laloi pepeka battu ri langika na nakanre ngasengko siagang sikontu ana' buanu!” Anjo memang wattua nia'mo pepe' naung angkanrei anjo perwiraya siagang limampuloa ana' buana.

2 KARAENG-KARAENG 1:10 ပူးပေါင်းရင်းမြစ်များ

1 KARAENG-KARAENG 22:28

Nakanamo Mikha, “Punna ammoterekki' siagang salama', battuanna tena Na'bicara Batara tete ri nakke! Sikamma hadereka anrinni a'jari sa'bi ngasengi.”

2 KARAENG-KARAENG 1:11

Nampa nasuro pole karaenga sitau perwira maraenga siagang limampulo ana' buana. A'lampami ke'nanga nampa nakana ri Elia, “He, atanNa Allata'ala naparentakangko karaenga naung kamma-kamma memang anne!”

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

AYUB 1:16

Lalang a'bicarana ija anjo taua, battumi atanna makaruaya angkana, “Sikamma gimbalatta siagang sikamma pakalawakinna nitabai ri kila' sa'genna mate ngaseng. Inakke mami anne atanta ta'lappasa' sa'gengku akkulle battu a'laporo' mae ri katte.”

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

PAMMUJI 106:18

Turungi pepeka antamberoi kalompo'na ke'nanga, ampakamutungi sikontu tau dorakaya.

DANIEL 3:22

Lanri terasa'na anjo parentana karaenga, sa'genna nitambai bambanna anjo pepeka, sa'genna anjo rinrana pepeka natunui sa'genna mate anjo sikamma tau angngangkakai Sadrakh, Mesakh siagang Abednego ri ampi'na anjo pepeka.

DANIEL 3:25

Appialimi karaenga angkana, “Mingka angngapa naappa' tau kucini' a'jappa-jappa ri tangnga-tangngana anjo pepeka? Tena sikali natassikko' ke'nanga siagang tena nangngapa-apa. Siagang anjo tau makaappaka tanja'na sangkammai rewata.”

DANIEL 6:24

Teai sipato' sannanna nyawana karaenga siagang naparentakammi sollanna nipasulu' Daniel battu ri anjo leanga. Le'baki anjo parentaya nigaukang, a'nassami angkanaya tena manna sike'de' loko' nigappa ri kalenna Daniel, lanri tappa'na mae ri Allata'ala.

KAIMANGNGANG 10:2

Jari Napabattumi Batara pepeka antunui ke'nanga sa'genna mate ri KemaNa Batara.

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 16:35

Nampa appabattumo pepe' Batara na nakanre sa'genna ammutung anjo 250 tau assarea dupa.

MATIUS 21:41

Appialimi ke'nanga angkana, “Mattantu lanabunoi anjo tau ja'dala' kammaya. Nampa napappitesangang ri tau maraeng anjo kokonna, eroka ambagei punna narapi' wattunna nibage wassele'na anjo kokoa.”

LUKAS 9:54

Anjo passalaka naassemmi ana'-ana' gurunNa Isa, iamintu Yakobus siagang Yohanes. Jari nakanamo ke'nanga ri Isa, “O Batara, maka erokKi' nanipala' pepeka naung battu ri langika anghukkung ngasengi anne taua?”

LAMPA-LAMPANA 12:19

Nasuromi Herodes taua mange amboyai Petrus. Mingka takkulleami ke'nanga ambuntuluki Petrus. Jari naparentakammi Herodes sollanna nikuta'nang ngaseng anjo tantara pangawalaka nampa nibuno. Le'baki anjo a'lampami Herodes battu ri Yudea, namange ammantang siapa are sallonna ri Kaisarea.

IBRANI 12:29

Nasaba' anjo Allata'alata sanrapangi pepe' appakamutunga.

PAPPICINI' 11:5

Punna nia' tau ancoba-cobai a'gau' kodi mae ri ke'nanga, lassulu'mi battu ri bawana ke'nanga pepe' akkullea angngancuruki musu-musunna. Kammaminjo carana nanabuno sikamma tau eroka ampa'ri'-pa'risi ke'nanga.