1 YOHANES 5:14 - KITTA' MATANGKASA'

¹⁴ Siagang barani maki' andallekang ri Allata'ala, lanri tappakki' angkanaya laNaiyoi pappala' doanganta; manna pole apa nipala' mae ri Ia laNaiyoi assala' situruki ero'Na anjo pappalatta.

1 YOHANES 5:14 ပူးပေါင်းရင်းမြစ်များ

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

AYUB 34:28

Ke'nanga passabakkang nakkunrareng tu kasi-asia, karru'na ke'nanga nilangngereki ri Allata'ala.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.

PAMMUJI 34:17

Mingka Nabaliangi tu a'gau' ja'dalaka; punna mate ke'nanga, lintaki nikaluppai.

PAMMUJI 69:33

Nacini'na kammaya anjo, rannumi tau nijallakkanga, lompomi pa'mai'na tau anynyombaya ri Allata'ala.

PANGNGEBARANG 10:24

Tau te'nea pa'mai'na lanagappai apa nakaerokia; tau ja'dalaka nagappai apa kaminang nakamallakkanga.

PANGNGEBARANG 15:29

Napilangngeri Batara punna appala' doang tau bajika, mingka tena najampangi tau dorakaya.

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

MATIUS 21:22

Manna apa mamo nupala' lalang pappala' doangannu assala' tappa' tojeng-tojengko, ma'nassa lanutarimai apa nupalaka.”

YOHANES 11:42

Kuassengi angkanaya tuli Kipilangngeri pappalakKu; mingka naKupau anne, untu' ia ngaseng anne tau niaka anrinni, sollanna nakkulle tappa' ke'nanga angkanaya ma'nassa iKatte assuroA' battu.”

YOHANES 14:13

Na apa-apa mamo nupala' lalang arengKu, laKupa'rupang ngasengko, sollanna nipakala'biri' Manggea lalang ri KalenNa Anaka.

YOHANES 15:7

Punna tuli asse'reko siagang iNakke, siagang punna tuli nupariati pangngajarangKu, pala'mi ri Manggea apa-apa mamo nukaerokia; tena tanugappana anjo apa nupalaka.

YOHANES 16:24

Sa'genna kamma-kamma anne tenapa nule'ba' appala' apa-apa lalang arengKu. Appalakko, nalanugappa, sollanna a'jari sukku' karannuannu.”

YOHANES 9:31

Naniassemmo angkanaya tanipilangngeriai ri Allata'ala pappala'na tau dorakaya; iaji nipilangngeri pappala'na tau ampakala'birikai Allata'ala, siagang anggaukangai ero'Na.

EFESUS 3:12

Lanri tappatta mae ri Almasi, siagang lanri asse'retamo siagang Ia, Nasaremaki' kabebasang untu' a'reppese' mae ri Allata'ala siagang tappa' majarre'.

IBRANI 10:35

Lanri kammana, teako tappu' panrannuangngi. Nasaba' punna jarre' tappa'nu, nia' pahala lompo untu' ikau!

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

YAKOBUS 4:3

Siagang manna pole le'ba' mako appala', mingka tena nunggappa, lanri salai pattujunnu; anjo apa nupalaka sangnging untu' kasannangang kalennu bawang.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.