1 YOHANES 4:18 - KITTA' MATANGKASA'

¹⁸ Inai-nai mangngamaseang, tanaassengami nikanaya malla'; nasaba' anjo pangngamaseang sukkuka napa'lanynya'mi nikanaya malla' lalang ri kalenna taua; nasaba' anjo mallaka nia' passisambunganna siagang hukkunganga.

1 YOHANES 4:18 ပူးပေါင်းရင်းမြစ်များ

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

MATIUS 9:34

Mingka nakanamo tu Farisia, “Kakapalanaji anjo setanga assarei koasa nakkulle Nabongka assulu' anjo setanga.”

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.

IBRANI 12:28

Lanri kammana, paralluki' appala' sukkuru' mae ri Allata'ala, lanri nitarimana battu ri Allata'ala, kakaraengang tenaya nakkulle ta'goccang. Paralluki' appala' sukkuru' siagang mappakala'biri' anynyomba mae ri Ia siagang malla', situru' cara Nakaerokia KalenNa Allata'ala.

YAKOBUS 2:19

Sai tappakko angkanaya anjo Allata'ala se'reji bawang? Kammatojengi! Kamanna setanga tappa' tonji siagang annekkere'mi napakamma malla'!

1 YOHANES 4:12

Tena manna sitau le'ba' anciniki Allata'ala; mingka punna massing sikamaseangki', asse'remi Allata'ala mae ri katte siagang a'jari sukku'mi pangngamaseanNa lalang ri kalenta.