1 YOHANES 3:19 - KITTA' MATANGKASA'

¹⁹ Iaminne carata angngassengi angkanaya ma'nassa antamakki' ri golonganna tau battua ri Allata'ala, sollanna akkulle sannang atinta ri dallekanNa Allata'ala.

1 YOHANES 3:19 ပူးပေါင်းရင်းမြစ်များ

PAMMUJI 119:56

Anggappa' kate'neang lalang mannurukingku ri sikamma parentaTa.

YESAYA 32:17

Tunggala' taua lanagaukangi apa annabaya, sa'genna nia' kasalewangang siagang kasannangngang sa'genna satunggu-tungguna.

YOHANES 13:35

Punna massing sikamaseangko, lanaasseng ngasemmi taua angkanaya ana'-ana' gurungKu ngasengko.”

YOHANES 18:37

Akkuta'nammi Pilatus nakana, “Jari punna kamma, KaraengKo padeng?” Appialimi Isa Nakana, “Nupaumi angkanaya iNakke anne karaengA'. Se'reji pattujunna naKunilassukang siagang naKubattu ri anne linoa, iamintu ampabattui katojenganga. Inai-nai battu ri anjo katojenganga iami lampilangngeriA'.”

ROMA 4:21

Sanna' napatappa'na angkanaya laNarupai janjinNa Allata'ala.

ROMA 8:38

Nasaba' tappa' sikalia' angkanaya ri sikontu linoa, baji' nakamateang yareka katallassang, baji' namalaeka' yareka tu makoasaya, baji' tuntutang ri kamma-kammaya anne yareka tuntutang labattua sallang, yareka kakoasang maraengannaya;

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 11:13

Sikamma anjo ke'nanga tappa' ngasengi sa'genna mate. Tenapa natarimai ke'nanga anjo apa-apa Napa'janjianga Allata'ala, mingka poro nacini' bellaji ri pa'mai'na ke'nanga siagang panrannuang. Nalalang kammana anjo napappicinikammi ke'nanga angkanaya poro tau battu-battuji ke'nanga ri anne linoa.

1 YOHANES 1:8

Punna nikana tena nakidoraka, niballe-balleimi kalenta; taniassengami Allata'ala lalang ri atinta.

1 YOHANES 2:21

Jari kutulisiki anne suraka mae ri kau ngaseng teai lanri tenanapa nanuassengi pangngajarang tojenga, mingka ba'lalo lanri nuassennamo; siagang nuassenna tommo angkanaya anjo pangngajarang tojenga tale'bakai a'balle-balle.

1 YOHANES 3:14

Niassemmi angkanaya assulu' maki' battu ri kamateanga siagang a'lette' maki' mae ri katallassanga. Niassemmi anjo, nasaba' massing sikamaseang maki' para ikatte. Inai-nai tena namangngamaseang, iami nikoasai ri kamateanga.

1 YOHANES 3:20

Punna nibilang salaki' ri ati mailalanta, niassengi angkanaya lompoangangi pangngassenNa Allata'ala na pangngassengang niaka ri atinta siagang Naasseng ngasengi sikontu apa-apaya.

1 YOHANES 3:21

Jari, sikamma sari'battangku kukarimangngia, punna tena nanibilang salaki' ri ati mailalanta, akkulle maki' andallekang ri Allata'ala siagang barani.