1 YOHANES 2:7 - KITTA' MATANGKASA'

⁷ Sikamma sari'battang sannaka kukarimangnginna! Anne apa kutulisika teai parenta beru. Anne parenta sallomo, le'bakamo nipabattu mae ri kau ngaseng battu ri uru-uruna tappa'nu mae ri Almasi; iamintu biritta battu ri Allata'ala le'bakamo nulangngere' ri pirangalloang.

1 YOHANES 2:7 ပူးပေါင်းရင်းမြစ်များ

KAIMANGNGANG 19:18

Teako appasibalassi panggaukang kodi siagang teako kabirissi parannu tau, mingka kamaseangi parannu tau sangkamma nukamaseanna batangkalennu. INakke Batara.

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

MATIUS 5:43

“Nuasseng ngasemmi angkanaya nia' todong pangngajarang kammaya anne: kamaseangi agannu na nukabirisi balinnu.

YOHANES 13:34

Kusareko parenta beru: Massing sikamaseangko. Sangkamma bateKu angkamaseangko, kamma tomminjo musti sikamaseang ngasengko.

LAMPA-LAMPANA 17:19

Nampa naerang ke'nanga Paulus mange ri passirapakkanga irate ri Bonto Areopagus. Battui mange anjoreng, nakanamo ke'nanga ri Paulus, “Eroki ikambe angngassengi anjo pangngajarang berua nupabattua.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

IBRANI 6:9

Mingka sikamma sari'battang kukarimangngia! Manna anjo kikkana kamma tappakki' angkanaya le'ba'mi nutarima sikamma barakka' la'bi bajikanganga, iamintu bageang kasalamakkannu.

1 YOHANES 2:24

Lanri kammana, musti nujagai baji'-baji' ri atinnu anjo biritta le'bakamo nulangngere' battu ri uru tappa'nu. Punna nuparhatikang baji'-baji' anjo birittaya, latuli asse're mako lalang ri katallassannu siagang Anaka kammayatompa Manggea.

1 YOHANES 3:11

Battu ri pakkaramulannaji nanipabattumo anne birittaya mae ri kau ngaseng, angkanaya: musti massing sikamaseangki' ikatte ma'rupataua.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.

1 YOHANES 3:21

Jari, sikamma sari'battangku kukarimangngia, punna tena nanibilang salaki' ri ati mailalanta, akkulle maki' andallekang ri Allata'ala siagang barani.

1 YOHANES 3:23

Ia Napassuroanga mae ri katte iamintu: musti tappakki' mae ri Ana'Na, iamintu Isa Almasi; siagang musti massing sikamaseangki', sangkamma le'baka Napassuroang Almasi mae ri katte.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

1 YOHANES 4:11

Sikamma sari'battangku, sannaka kukarimangnginna; punna sanna' bateta nikamaseang ri Allata'ala, musti massing sikamaseang tongki'.

1 YOHANES 4:21

Lanri kammana, iaminne parenta Napassareanga Almasi mae ri katte: Inai-nai mangngamaseang ri Allata'ala, musti nakamaseang tongi paranna tau.

1 YOHANES 4:7

Sikamma sari'battang sannaka kukarimangnginna! Mae mako kimassing sikamaseang; nasaba' Allata'ala assala'na anjo pangngamaseanga. Inai-nai mangngamaseang, iami ana'Na Allata'ala siagang iami angngassengi Allata'ala.