1 YOHANES 2:6 - KITTA' MATANGKASA'

⁶ Inai-nai angkana asse'rei siagang Allata'ala lalang ri katallassanna, musti sangkammai siagang Almasi batena attallasa'.

1 YOHANES 2:6 ပူးပေါင်းရင်းမြစ်များ

PAMMUJI 85:13

Napassareangi Batara bajika, nalangngerang wassele' buttata.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

YOHANES 13:15

Kusare ngaseng mako conto, sollanna nanugaukang todong anjo apa Kugaukanga ri kau.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

1 KORINTUS 11:1

Iaminjo conto battu ri nakke mae ri kau. Mingka inakke conto battu tonji ri Almasi kupinawang.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

1 PETRUS 2:21

Untu' iami anjo naNakiokko Allata'ala. Nasaba' KalenNa Almasi le'ba' tommi angkasiaki kasessanga untu' ikau; na lalang kammana anjo Nasare mako conto sollanna nuturuki bateNa.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

1 YOHANES 2:4

Inai-nai angkana, “Kuassengi Allata'ala,” mingka tena namappilangngeri mae ri sikamma parentaNa, a'balle-ballemi anjo taua, siagang tanaassengai Allata'ala lalang ri atinna.

1 YOHANES 3:24

Sikontu tau mappilangngeria mae ri sikamma parentaNa Allata'ala, asse'rei mae ri Allata'ala lalang ri katallassanna, siagang asse're tongi Allata'ala mae ri katallassanna. Na niasseng angkanaya asse'rei Allata'ala mae ri katallassanta, lanri le'ba'mi Napassareang RohNa mae ri katte.

1 YOHANES 3:6

Sikontu tau asse'rea siagang Almasi lalang ri katallassanna, tenamo natuli lanagaukang ija dosaya. Inai-nai tuli anggaukangi dosaya, tenale'bakai nacini' siagang naasseng Almasi.

1 YOHANES 4:17

Nipa'jari sukkuki pangngamaseanga lalang ri atinta, sollanna nakia'jari barani ri Allo Pangadelanga. La'jari baraniki', nasaba' sangkammami carata attallasa' ri anne linoa siagang caraNa Almasi attallasa'.