1 YOHANES 2:20 - KITTA' MATANGKASA'

²⁰ Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

1 YOHANES 2:20 ပူးပေါင်းရင်းမြစ်များ

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

PAMMUJI 71:22

Erokka' mammuji mae ri Katte siagang gambusu', saba' tamamminrayaKi', o, Allata'alaku. Erokka' akkelong lagu pammuji mae ri Katte siagang kacapi, o, Allata'alana Israel matangkasaka.

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

PANGNGEBARANG 28:5

Kaadelanga tanapahangngai tau dorakaya, mingka tau anynyombaya ri Batara, napahang tojeng-tojengi.

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

KAIMANGNGANG 7:35

Battu ri kanre nipassareanga mae ri Batara, iaminjo bageang nipassareanga mae ri Harun siagang ana'-ana'na ri allo nilanti'na ke'nanga a'jari imang.

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

MARKUS 1:24

“E, Isa tu Nazaret, apa ero' Nugaukang mae ri kambe? BattuKo ero' anghukkungi ikambe? Kuassengi angkanaya inaiKo antu: iKaumi Tunisuro matangkasaka, battua ri Allata'ala!”

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

LUKAS 4:34

“He Isa, tu Nazaret! Apa ero' Nugaukang mae ri kambe? BattuKo ero' angngancuruki ikambe? KuassenjaKo angkana inaiKo antu: iKaumi tu matangkasaka, nisuroa battu ri Allata'ala!”

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

YOHANES 16:13

Mingka punna battumo RohNa Allata'ala, iamintu ampa'nyatai katojenganNa Allata'ala, laniajara' mako angngassengi sikontu katojenganga. Tena nabattu ri KalenNa bawang nala'bicara, mingka apa-apa le'ba' Nalangngere' iaminjo Nabicara. Kammayatompa laNapauang tongko apa lakajarianga sallang ri allo ri boko.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 3:14

Ia tau matangkasa' siagang tau baji', mingka nukabirisi siagang nupassai Pilatus allappassangi tu pabunoa untu' ikau sollanna nihukkung anjo Isa.

1 KORINTUS 2:15

Inai-nai nikoasai ri RohNa Allata'ala, akkulle ngasengi napahang sikontu apa-apaya; mingka kalenna anjo taua manna sitau tania' akkulle ampahangi.

IBRANI 1:9

MangngaiKo ri kaadelanga, birisikKo ri kajekkonganga; iaminjo saba'na, naNapileKo Allata'ala, iamintu Allata'alaNu, na Nasareko kalompoang, langngeranga karannuang, la'bianganga na agang-aganNu.”

IBRANI 8:11

Taparalluai ke'nanga siajara' para ia, yareka ampauangi sari'battanna angkana, ‘Tappakko mae ri Batara.’ Nasaba' yangasenna ke'nanga ca'di lompo, latappaki mae ri Nakke.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

1 YOHANES 4:13

Lanri le'ba'mi Napassareang RohNa Allata'ala mae ri katte, jari niassemmi angkanaya asse're maki' lalang katallassanta mae ri Allata'ala, siagang asse'remi Allata'ala mae ri katallassanta.

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

PAPPICINI' 4:8

Anjo appaka anu attallasa', massing nia' annang ka'nyi'na; siagang rassi ngasengi mata ri tammulilina kalenna siagang ilalanganna kalenna. Allo bangngi anjo anu attallasaka tena nale'ba' ammari akkelonga tojeng, angkana, “Matangkasa', matangkasa', matangkasaki Batara, Allata'ala Kaminang Koasaya; Ia niaka ri pakaramulanna, ri kamma-kammaya anne, sa'genna satunggu-tungguna.”