1 YOHANES 1:10 - KITTA' MATANGKASA'

¹⁰ Mingka punna angkanaki' tena kidoraka, sangkammami angkanaya nibilang paballe-ballei Allata'ala; battuanna tenamo niboliki ri atinta kananNa Allata'ala.

1 YOHANES 1:10 ပူးပေါင်းရင်းမြစ်များ

AYUB 15:14

Maka akkullei rupataua tena sikali salana? Akkullekai nipannaba ri dallekanNa Allata'ala?

AYUB 24:25

Inai akkulle ansassali anjo apa a'nyata kammaya, yareka anggeakki kamma tojenna kana-kanangku?”

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

YEREMIA 2:35

nukana ija kalennu tena nusala, angkanaya tena Kularro mae ri kau. Mingka iNakke, Batara, laKuhukkungko lanri tenana nuero' mangaku angkanaya salako.

YOHANES 3:33

Inai-nai ampatappaki kasa'bianNa, iami ammangakui angkanaya ma'nassa tojengi Allata'ala.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

1 YOHANES 1:8

Punna nikana tena nakidoraka, niballe-balleimi kalenta; taniassengami Allata'ala lalang ri atinta.

1 YOHANES 2:14

Kutulisiki anne suraka mae ri kau ngaseng ana'-anaka nasaba' nuassemmi Allata'ala Manggea. Kutulisiki mae ri kau ngaseng sikamma bapa'-bapakku, nasaba' nuassemmi anjo Kana niaka memammo battu ri pakkaramulanna. Kutulisiki mae ri kau ngaseng sikamma ana'-ana' rungkaya, nasaba' gassing ngasengko. Niaki kananNa Allata'ala lalang ri atinnu ngaseng, siagang le'ba'mi nubeta anjo I Ja'dala'.

1 YOHANES 2:4

Inai-nai angkana, “Kuassengi Allata'ala,” mingka tena namappilangngeri mae ri sikamma parentaNa, a'balle-ballemi anjo taua, siagang tanaassengai Allata'ala lalang ri atinna.

1 YOHANES 4:4

Mingka sikamma ana'-anakku, ikau tau battu ngasengko ri Allata'ala assala'nu. Le'ba'mi nubeta na'bi-na'bi balle-ballea, nasaba' Roh niaka ri kau la'bi makoasangangi na roh niaka ri taunna ngaseng anne linoa.

1 YOHANES 5:10

Lanri kammana, inai-nai tappa' ri Ana'Na Allata'ala, natarimami anjo kasa'bianga lalang ri atinna; mingka inai-nai tena natappa' mae ri Allata'ala, nacini' paballe-ballemi Allata'ala, nasaba' tena napatappaki bicaranNa Allata'ala ri passala'na anjo Ana'Na.

2 YOHANES 1:2

Nasaba' niaki Allata'ala matojenga ammantang lalang ri atinta, siagang latuli niaki anrurungangki' sa'genna satunggu-tungguna.