1 TIMOTIUS 6:6 - KITTA' MATANGKASA'

⁶ Memang assarei passawallang lompo agamaya punna sukkuru'mo taua ri apa-apa niaka ri ia.

1 TIMOTIUS 6:6 ပူးပေါင်းရင်းမြစ်များ

2 KARAENG-KARAENG 6:2

Kipa'biammi a'lampa ikambe a'lampa anna'bang poko' kayu ri birinna Binanga Yordan, nampa nibangung pammantanganta anjoreng.” Appialimi Elisa angkana, “Baji'mi.”

PAMMUJI 37:16

Apa sike'de' napatanga tu bajika lompoangangi anggaranna nakala'bianna tu ja'dalaka.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

KALAPPASSANG 2:21

Ero'mi Musa ammantang anjoreng. Nampa napa'bunting Yitro ana'na niarenga Zipora siagang Musa.

PANGNGEBARANG 15:16

Bajikangngangi sike'deka barang-barang mingka mallakki' ri Batara, kala jai barang mingka tuli lussaki pa'maika.

PANGNGEBARANG 16:8

Bajikangngangi sike'de' panggappanga assala' battu ri kalambusang, kala jaia panggappang lanri gau' tena naadele'.

PANGNGEBARANG 28:25

Punna kaparalluang kaleaji nicinikiang lappaumbai pa'beserang; la'bi upakkangngangko punna tappakko ri Batara.

YEREMIA 35:9

Tena nambangung balla' ikambe untu' tampa' pammantanganna ikambe, mingka anjoreng ri kemaya ammantang ikambe. Tena todong koko anggoro'na ikambe, kammayatompa koko maraeng siagang bine untu' nilamung. Bodona kana, sikontu apa naparentakanga boena ikambe iamintu Yonadab, naturuki ikambe sibaji'-baji'na.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 3:14

Nia' tommo surudadu akkuta'nang angkana, “Antekamma anne ikambe? Apa musti nigaukang?” Appialimi Yohanes nakana, “Teako paccoki taua, siagang teako garattaki taua lanri ero'na nualle passa doe'na. Kasukkurammi gaji nugappaya!”

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

FILIPI 1:21

Nasaba' untu' inakke, mangeanna tallassakku iamintu Almasi bawang! Na matea iamintu upakku.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

1 TIMOTIUS 6:8

Jari, punna nia'mo nikanre siagang nipake, angganna'mi anjo.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”