1 TIMOTIUS 6:5 - KITTA' MATANGKASA'

⁵ siagang passisala-salang tenaya le'ba'-le'ba'na. Lingumi siagang tannabayami batena appikkiri' anjo tau kammaya. Napikkiriki angkana akkullei ke'nanga anggappa passawallang battu ri agamaya.

1 TIMOTIUS 6:5 ပူးပေါင်းရင်းမြစ်များ

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

YEREMIA 6:13

Yangasenna ke'nanga, ca'di lompo, massing kaparalluang kalenna naboya lalang panggaukang tenaya nalambusu'. Ba'lalo manna na'bia siagang imanga annipu tongi tau.

YEREMIA 8:10

Lanri kammana anjo, laKupassareangi kokonna ke'nanga mae ri tau maraenga, kammayatompa bainenna ke'nanga lanipassareang tongi mae ri tau maraenga. Yangasenna ke'nanga, ca'di lompo, massing kaparalluang kalenna naboya, iamintu cara-cara tenaya nalambusu' napake. Ba'lalo manna na'bia siagang imanga annipu tongi tau.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

MATIUS 12:33

“Sollanna akkulle baji' rapponna, parallui coppong se'rea poko'-poko'. Punna tacopponga se'rea poko'-poko', tena todong nalabaji' rapponna. Battu ri rapponnai nicini' antekamma copponna yareka tenana nacoppong se'rea poko'-poko'.

MATIUS 21:13

Nampa Nakana ri anjo taua ngaseng, “Nia' tattulisi' lalang ri Kittaka angkana, Nakana Allata'ala, ‘Lanipareki balla' sambayang BallakKu.’ Mingka ikau ngaseng nupareki pa'rappungang paella'!”

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

1 KORINTUS 11:16

Jari, punna nia' tau ero' ampa'geakkangi anne passalaka, se'reji bawang akkulle kupau; iamintu angkanaya, ikambe siagang sikamma jama'aNa Allata'ala, se'reji bawang kabiasanta lalang ri jama'aka, tena pantaranganna.

2 TESALONIKA 3:6

Sikamma sari'battangku, lanri koasaNa Batara Isa Almasi, kikellai ngasengko sollanna nupakabella kalennu battu ri tau a'mala'-malasaka, siagang tau taeroka anturuki pangngajarang napabattua ikambe mae ri ke'nanga.

1 TIMOTIUS 1:6

Nia'mo tau takammayami anjo katallassanna. Sala oloammi ke'nanga mange ri pa'gea'-geakkang tenaya matu-matunna.

1 TIMOTIUS 3:3

teai tau painung sa'genna nasa'ring, yareka teai tau nangaia assiba'ji. Mingka tunai ri kana-kananna siagang nangai assiamaka. Takkulleai angngondang dudu doe'.

1 TIMOTIUS 3:8

Ia tau anggaukangai jama-jamang pambantua lalang ri jama'aka, musti tau bajika siagang tau lambusuka; takkulleai tau nangaia anginung jai dudu anggoro' yareka tau paondang doeka.

1 TIMOTIUS 4:7

Pakabellai kalennu battu ri carita-carita kosong tenaya matu-matunna. Parallui nupa'biasa kalennu a'jari tau anynyombaya ri Allata'ala lalang ri katallassannu.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

1 TIMOTIUS 6:6

Memang assarei passawallang lompo agamaya punna sukkuru'mo taua ri apa-apa niaka ri ia.

2 TIMOTIUS 3:5

Manna namannuruki lahere'na ke'nanga nicini' anggaukangi napassuroanga agamaya, mingka sikontutojenna tanatarimayai ke'nanga kakoasanna anjo agamaya. Pakabellai kalennu battu ri tau kammaya anjo.

2 TIMOTIUS 3:8

Sangkamma Yanes siagang Yambres naewai Musa riolo, sangkamma tommi anjo ke'nanga naewai pangngajarang battua ri Allata'ala. Panra'mi pikkiranna ke'nanga, siagang kapeokammi tappa'na ke'nanga.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

2 PETRUS 2:15

Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.

PAPPICINI' 18:3

Nasaba' sikontu bansaya le'ba' ngasemmi angnginungi anggoro' napasu panggaukang bawanna. A'gau' bawammi karaeng-karaenna linoa siagang ia; siagang a'jari kalumanynyammi sikamma padangganga ri lino lanri napasuna tenaya nakkulle natahang-tahang.”