1 TIMOTIUS 6:11 - KITTA' MATANGKASA'

¹¹ Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

1 TIMOTIUS 6:11 ပူးပေါင်းရင်းမြစ်များ

1 KARAENG-KARAENG 13:1

Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

1 KARAENG-KARAENG 13:26

Ri wattu nalangngere'na anjo na'bi toaya anjo kabaraka, nakanamo, “Mattantu ia anjo na'bi tenaya namannuruki ri parentaNa Batara! Iaminjo saba'na naNakiring Batara anjo singaya untu' angkokkoki siagang ambunoi sangkamma anjo Napaua Karaeng Allata'ala la'bi riolo.”

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

1 KARAENG-KARAENG 17:24

Appialimi anjo jandaya nakana, “Kamma-kamma anne kuassemmi angkanaya ikatte atanNaki' Allata'ala, siagang kana-kananta kammatojengi angkana kana-kana battu ri Batara!”

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

2 KARAENG-KARAENG 1:13

Sikalipi pole assuro karaenga sitau perwira siagang limampulo ana' buana. Anjo perwiraya naiki ri bontoa siagang ri wattunna battu ri dallekanna Elia akkulantu'mi nampa angkana, “Pammopporanga', o, atanNa Allata'ala! Kikamaseanga' siagang anne limampuloa ana' buaku. Teaki' bunoi ikambe!

2 KARAENG-KARAENG 1:9

Nampa nasuromo se're perwira tantara siagang limampulo ana' buana a'lampa mange anjakkalaki Elia. A'lampami anjo perwiraya, nanagappamo Elia sitabang ammempo rate ri se'reang bonto. Nakanamo anjo perwiraya, “He, atanNa Allata'ala, naparentakangko karaeng naung!”

2 KARAENG-KARAENG 23:17

Akkuta'nammi angkana, “Inai pata jera' anjo?” Appialimi tu Betel angkana, “Anjo jera'na sitau na'biNa Batara le'baka battu mae anrinni battu ri Yehuda, siagang antappuai sikamma kajariang silalonnaya le'ba' kigaukang mae ri anne tampa'-tampa' pakkoro'bangnganga.”

2 KARAENG-KARAENG 5:20

appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

1 PATTOTTORANG 23:14

Ana'-ana' bura'nena Musa, iamintu atanNa Allata'ala, nipantamai ri golongang suku Lewi.)

2 PATTOTTORANG 8:14

Situru' paratorang-paratorang napassareanga Daud manggena, naatoroki Salomo tugasa' allo-allona sikamma imanga siagang untu' tu Lewi mustia angkelongangi kelong pammujia mae ri Batara siagang nabantu sikamma imanga anggaukangi upacara-upacara panynyombanga. Kammayatompa sikamma pangawala'na Balla'Na Batara nibage-bagei lalang regu-regu untu' tunggala' pakke'bu' lompoa, situru' pangngatoro' napassareanga Daud atanNa Allata'ala.

NEHEMIA 12:24

Nibage-bagei tu Lewi lalang siapa area kalompo', nipimping ri Hasabya, Serebya, Yesua, Binui, siagang Kadmiel. Massing ta'rua kalompo' anggaukangi tugasa' mammuji ri Batara siagang appala' sukkuru' ri Ia. Assibalasa'-balasaki ke'nanga, situru' paratorang Karaeng Daud, anjo atanNa Allata'ala.

NEHEMIA 12:36

Ri bokona ke'nanga ajappami anggota-anggota golonganna, iamintu: Semaya, Azareel, Milalai, Gilalai, Maai, Netaneel, Yehuda siagang Hanani. Yangaseng ke'nanga angngerangi pakkakasa' musi', sangkamma nakarenaia Karaeng Daud, anjo atanNa Allata'ala. Imang Ezra, anjo panrita HukkunNa Allata'ala, a'jappa ri ulunna anjo barisanga.

PAMMUJI 34:14

Teako appasuluki kana-kana ja'dala', siagang teako nungai akkala' annipua.

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

PANGNGEBARANG 15:9

Birisiki Batara ri batena attallasa' tau dorakaya, mingka Nakamaseangi tau usahaya anggaukangi ero'Na.

YESAYA 51:1

Nakana Batara: “PilangngeriA', he ikau ngaseng tau eroka nipasalama' siagang battua mae ri Nakke appala' pannulung. U'rangi angkanaya battu ri moncong batu kemaeko nipa', siagang battu ri pangngekeang batu kemaeko nikeke.

YEREMIA 35:4

Kuerangi ke'nanga mange ri Balla'Na Batara, antama' ri kamara'na ana'-ana' gurunna Na'bi Hanan ana'na Yigdalya. Anjo kamaraka tampa'na irateannai kamara'na Imang Maaseya ana'na Salum, ri ampi'na kamara'na pagawe-pagawe maraenga. Maaseya iami pagawe tinggi anjannangngi sikamma pakke'bu'na Balla'Na Batara.

ROMA 14:19

Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

1 KORINTUS 10:14

Lanri kammana, sikamma sari'battang kukamaseanga, paralluko angkabirisi anjo panggaukang anynyombaya mae ri barhalaya.

1 KORINTUS 14:1

Usahakangi mangngamaseanga ri parannu tau siagang usahakang tongi sollanna nutarima sikamma passare battua ri RohNa Allata'ala; lomoro' se'rea iamintu nanutarima pakkullea untu' ampabattui sikamma rancanaNa Allata'ala mae ri rupataua.

1 KORINTUS 6:18

Pakabellai kalennu battu ri sikamma panggaukang bawanga. Nasaba' sikontu dosa maraenga nagaukanga taua, pantarangang batangkalennai anjo taua kajariang. Mingka inai-nai a'gau' bawang, battuanna a'gau' dosami mae ri kalenna.

PAOLE 16:20

Musti tuli adelekko, sollannu akkulle ammantang tuli siagang tallasa' salewangang ri butta Napassareanga Karaeng Allata'alanu mae ri kau.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

1 TIMOTIUS 1:14

Mingka ba'lalo nipila'bi-la'bianga' kalammorang pangngamaseang ri Batarata. Nasarea' pakkulle untu' tappa' ri Ia, siagang pangngamaseang akkullea nipatang punna asse'reki' siagang Isa Almasi lalang ri katallassanta.

1 TIMOTIUS 4:12

Teako pa'biangi kalennu nicini' tuna lanri rungkanu ija. Mingka paralluko a'jari conto mae ri sikontu tau tappaka ilalang ri pau-paunu, panggaukannu, katappakkannu, pangngamaseannu, kammayatompa katangkassanna katallassannu.

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

1 TIMOTIUS 6:20

Timotius! Katutui bajiki anjo apa nipappirannuanga ri kau! Pakabellai kalennu battu ri pa'bicarang tenaya matu-matunna siagang passigea'-geakkang ri apa-apa nikanaya “Pangngissengang”, nampa teaiji pangngissengang.

2 TIMOTIUS 2:21

Inai-nai antangkasi kalenna battu ri sikontu gau' tenaya nabaji' iami lanipake untu' gau'-gau' kaparalluang lompoa. Iami a'jari taunna siagang a'matu-matua mae ri karaenna. Iami nipasadia untu' lanipake ri jama-jamang bajika.

2 TIMOTIUS 2:22

Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.

2 TIMOTIUS 3:10

Mingka ikau nuturukimi sikamma pangngajarangku, panggaukangku, siagang pamangeanna katallassangku. Nucini'mi kalennu antekamma attojeng-tojengku tappa' ri Isa Almasi, kasa'barrangku, pangngarimangngingku siagang pangngamaseangku ri paranta tau.

2 TIMOTIUS 3:17

Iami anjo Kittaka nipake ampipakei bajiki tau eroka allayani Allata'ala untu' a'rupa-rupa jama-jamang baji'.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

1 PETRUS 3:11

Musti napakabellai kalenna battu ri kaja'dallanga nanagaukang kabajikanga; parallui appattujuang tojeng-tojeng untu' anggappai passiamakkanga.

1 SAMUEL 2:27

Ri se'reang allo, nia'mo se're na'bi battu mae ri Eli na napabattu pappasang battua ri Batara, nakana, “Ri wattunna boe-boenu iamintu Harun siagang kaluargana a'jari ata ri karaeng Mesir, Kupa'nyatami KalengKu mae ri Harun.

1 SAMUEL 9:6

Appialimi anjo palayanga angkana, “Kitayangi rolong! Ri anne kotaya nia' sitau atanNa Allata'ala. Sanna' nipakala'biri'na ri taua, lanri anjo apa napaua, ma'nassa kajariang tojeng-tojengi. Umba ki'lampa mange ri ia, gassingka akkulleki' napauang kemaei anjo keledai-keledaia.”