1 TIMOTIUS 6:10 - KITTA' MATANGKASA'

¹⁰ Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

1 TIMOTIUS 6:10 ပူးပေါင်းရင်းမြစ်များ

PA'JARIANG 29:14

nakanamo Laban, “Kammatojengi, ikau bija ma'reppesekko ri nakke.” Ammantammi Yakub ri anjo ballaka sibulang sallona.

PA'JARIANG 29:26

Appialimi Laban angkana, “Turu' atoranga anrinni, takkulleai andika rioloangngang a'bunting na daenna.

PA'JARIANG 34:27

Le'baki nagaukang anjo pammunoanga ke'nanga, battu tommi ana'na Yakub maraenganga anrampasaki barang-baranna taua ri anjo kotaya, a'jari pa'balasa' lanri le'ba'na nigau' sala andi'na ke'nanga.

PA'JARIANG 38:16

Nampa a'reppese'mo mange ri anjo biring aganga, nampa nakana ri anjo bainea, “Siapa nupala'?” Tanaassengai angkana anjo bainea mintunna tonji. Appialimi Tamar angkana, “Battu ri katte tommo, Karaeng.”

1 KARAENG-KARAENG 2:40

napatabami pa'lapa' keledaina nampa a'lampa mange ri Karaeng Akhis ri Gat untu' amboyai anjo ruaya atanna. Nabuntulu'mi ke'nanga nampa naerang ammotere'.

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

PAMMUJI 32:10

Tu dorakaya nitujui ri jai sessa; mingka tu manrannuanga ri Batara tuli nila'langi lalang pangngamaseanNa.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PANGNGEBARANG 1:19

Kamma memangi, angkanaya tau ammakea katerassang a'boya dalle', nyawana tonji ke'nanga lanapabayara'.

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.

KATO'BA 2:19

Nampa inai akkulle angngassengi angkanaya cara'deki yareka toloi kalenna? Mingka manna antekamma iami lampatangi sikamma wassele' usahaku, ia kugappaya lalang tallasakku ri anne linoa, lanri akkaresoku siagang lanri kacara'dekangku. Jari, anjo sia-sia tonji.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

YEHEZKIEL 16:33

Se'rea pasundala' tuli nibayaraki, mingka kabalekanna ikau assarei hadia sikamma tu bura'ne nuaganga assikatinroang, ba'lalo nunyonyoki ke'nanga siagang doe' sollanna battu ngaseng angngagangko assikatinroang.

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

MATIUS 13:22

Naia bine takkioroka ri alla'na ruku'-ruku' akkatintinga, iaminjo pangngebarang mae ri tau allangngerekami anjo kabaraka, mingka ranggasela iji atinna ke'nanga, siagang ero' dudui kalumanynyang lalang ri katallassanna. Lanri kammana, rapang kasepekammi lalang ri atinna ke'nanga anjo Kabara' battua ri Allata'ala, sa'genna takkullea a'rappo.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MATIUS 6:19

“Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

MARKUS 4:19

mingka ranggaselai ri passala'na katallassanna ke'nanga, kammayatompa ero' dudui kalumanynyang. A'rupa-rupami apa-apa nakacinnai antama' ri atinna ke'nanga. Lanri nibetami anjo kabara' battua ri Allata'ala lalang ri atinna ke'nanga, takkulleami a'rappo.

PAOLE 16:19

Punna angngalle kaputusang ke'nanga, takkulleai ke'nanga appaero'-ero' kalenna yareka takkulleai battala' siali. Takkulleai ke'nanga annarima passare nipacoco', lanri anjo passare kammaya napa'jari butai taua, ba'lalo manna tau cara'deka siagang tau lambusuka, sa'genna tena naadele' batena ke'nanga angngalle kaputusang.

PAOLE 23:18

Kammayatompa anjo doe' nagappaya battu ri panggaukang bawanna, takkulleai nierang mae ri Balla'Na Karaeng Allata'alanu untu' pa'bayara' tinja', nasaba' tanangaiyai Karaeng Allata'alanu pagau' bawanga ri balla'-balla' panynyombanga mae ri rewataya siagang tena todong nangai wassele' gau' bawanga.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

1 TIMOTIUS 3:3

teai tau painung sa'genna nasa'ring, yareka teai tau nangaia assiba'ji. Mingka tunai ri kana-kananna siagang nangai assiamaka. Takkulleai angngondang dudu doe'.

1 TIMOTIUS 6:21

Nasaba' nia' siapa are tau ampangngajarrangi anjo kammaya, sa'genna allesso'mo ke'nanga battu ri sikamma pangngajarang Karisteng le'baka napatappa' ke'nanga riolo. Poro Nabarakkaki ngasengko Batara. Sallangku, Paulus

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.

2 TIMOTIUS 3:2

Massing kaparalluang kalenna mami lanaondang rupataua; massing angngondang dudui doe', tampoi siagang nangai a'bicara kosonga. Nangai ke'nanga nahina taua, naewai tau toana, tangngassengai appala' sukkuru', siagang nakabirisi nikanaya katallassang rohani.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

YAKOBUS 5:19

Sikamma sari'battangku! Punna nia' tau ri tangnga-tangnganu taerokamo anturuki pangngajarang battua ri Allata'ala, nampa nia' tau akkulle ampoterangi anjo taua mae ri Allata'ala,

YOSUA 7:21

Ri alla'na barang-barang niallea, nia' kucini' juba sanna' ga'gana, pare' Babilonia, pera' kira-kira nia' rua kilo battala'na, siagang bulaeng sipolong kira-kira la'bi sitangnga kilo battala'na. Ero' dudua' ri anjo barang-baranga, jari kuallemi siagang kucokkoi lalang ri buttaya ri kemaku; rawa dudui pera'na kuboli'.”

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.