1 TIMOTIUS 5:6 - KITTA' MATANGKASA'

⁶ Mingka ia janda nangaia assannang-sannang lalang ri katallassanna, sikontutojenna matemi manna pole nattallasa' ija nicini'.

1 TIMOTIUS 5:6 ပူးပေါင်းရင်းမြစ်များ

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

PANGNGEBARANG 29:21

Ata tuli nipalecea battu ri rungkana, kale'bakkanna la'jari tamappilangngeriai.

YESAYA 22:13

Mingka kabalekanna, ikau assannang-sannang jako siagang assua'-suara' jako. Ammolongko sapi siagang gimbala', angnganre dageng siagang angnginung je'ne' anggoro' nampa akkio' angkana, “Umba ningnganre siagang angnginung, saba' ammuko lamate maki'!”

YESAYA 47:1

Nakana Batara, “He Babel, naungko battu ri empoang kala'birannu, siagang ammempo mako rate ri limbu'buka. Tenamo nulale siagang kanang-kanang kamma riolo.

YEREMIA 6:2

Sanna' ga'gana kota Sion, mingka laNiancuruki ri Batara;

PIRAUNG 4:5

Ia ke'nanga angkasiaki kanre-kanre nyamanga, siagang sannanga ri katallassanna, anne kamma akkadangkang mami a'boya kanre ri pattambunganna loroa, na mate cipuru' ri agang-aganga.

MATIUS 8:22

Mingka appialimi Isa Nakana, “Amminawang mako ri Nakke; lappassang tommi tau matea nanatarawang tau matena.”

LUKAS 12:19

Nampa kukana ri kalengku: Upakko kau! Nukammai ngasemmi apa-apa bajika, siagang tenamo nulakala'busang sa'genna attaung-taung. Kamma-kamma anne ammari-mari poso mako! Angnganre-nganre mako, siagang angnginung-nginung mako, kammayatompa kasia'mi baji'-bajika lalang tallasa'nu!’

LUKAS 15:13

Siapa are allo ribokoanganna, nabalukammi tawana anjo ana' bungkoa, nampa a'lampa mange ri se'reang pa'rasangang bella. Anjoreng ri pa'rasanganga napa'laboammi anjo doe'na nampa assannang-sannang.

LUKAS 15:24

Nasaba' le'ba'mi mate anne anakku, mingka kamma-kamma anne attallasa' poleammi.’ Jari appakkaramulami ke'nanga assua'-suara'.

LUKAS 15:32

Mingka siratangki' assua'-suara' siagang a'rannu-rannu, lanri le'ba'mi mate anjo andi'nu, mingka kamma-kamma anne attallasa' poleangi; le'baki tappela', mingka kamma-kamma anne nibuntulu' poleammi.’ ”

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

LUKAS 7:25

Apa ero' mange nucini'? Se're tau ammakeang ga'ga? Niaki ri balla' lompona karaenga tau ammakeang ga'gaya siagang tau kala'bianga ri katallassanna!

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

EFESUS 2:5

sa'genna ri wattunna mate katallassang rohanita, lanri gau'-gau' salata, Napattallasa' poleang maki' ammotere' siagang Almasi. Jari, lanri kabajikanNa bawang Allata'ala, naNapasalamakko.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

PAOLE 28:54

Ba'lalo tubija karaeng kaminang bajika pa'mai'na latappu' minasa tongi lalang nilipunna anjo kota-kotanu, sa'genna nakanremo siapa area ana' kalenna lanri tenanamo maraeng lanakanre. Tena manna sike'de' anjo kanrea napassareang mae ri sari'battanna yareka bainenna nangaia yareka ana'-ana'na attallasaka ija.

PAOLE 28:56

Ba'lalo manna baine bija karaenga siagang kaminang baji' pa'maika kammayatompa sannaka kalumanynyanna sa'genna tale'bakai a'jappa bangkeng, lappanggaukang kamma todong. Ri wattunna nalipung musua kotaya, latappu' minasami anjo bainea lanri cipuru'na, sa'genna nakanre cokko-cokkomo ana'na beru lassuka siagang campugina. Tena manna sike'de' napassareang mae ri bura'nenna nangaia yareka mae ri ana'-ana'na.

KOLOSE 2:13

Riolo, le'ba'mi mate katallassang rohaninu lanri dosanu, siagang lanri tenana nisunnakko ri lahere'nu. Mingka kamma-kamma anne nipabangung poleang mako ammotere' ri Allata'ala siagang Almasi. Le'ba'mi Napammopporang sikontu dosata,

2 TIMOTIUS 3:6

Nia'mo ke'nanga antama' cokko-cokko ri balla'na taua, nampa nanyonyo' baine-baine lammaya, sannaka jaina dosana siagang nikoasaia ri sangka' rupa kacinnang.

YAKOBUS 5:5

Alla'bi-la'bi mako ri katallassannu, siagang nukasia'mi kasannanganga ri anne linoa. Sanrapangko tau nupakaco'moka kalennu untu' lanisamballe sallang ri allo labattua.

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’

PAPPICINI' 3:1

“Untu' mae ri malaeka'na jama'ah Sardis tulisiki kamma anne: Iaminne pappasang battu ri Ia ampatangai anjo tujua roh battu ri Allata'ala siagang anjo tujua bintoeng. Kuassengi apa nugaukanga ngaseng. Nukana kalennu attallasa' nusikontutojenna mate!

1 SAMUEL 15:32

Nampa naparentakammo Samuel angkana, “Erangi Karaeng Agag mae anrinni.” Battumi Agag mae ri ia, lompo panrannuang, lanri napikkiriki angkanaya, “Bellami bahaya kamateanga.”

1 SAMUEL 25:6

angngagangi sibuntulu' Nabal untu' ampabattui sallanna Daud mae ri ia. Nasuromi ke'nanga akkana kamma anne ri Nabal, “Salama' siagang salewangang mae ri kau siagang kaluarganu kammayatompa sikontu barang-barannu.