1 TIMOTIUS 5:4 - KITTA' MATANGKASA'

⁴ Mingka punna janda nia' ana'-ana'na yareka cucu-cucunna, iaminjo ana'-ana'na yareka cucu-cucunna parallu todong nipakainga' sollanna nau'rangi ke'nanga bijanna, siagang nabalasa' pa'mai' baji'na tau toana yareka nene'na ke'nanga. Nasaba' iaminjo kammaya ampakarannui atinNa Allata'ala.

1 TIMOTIUS 5:4 ပူးပေါင်းရင်းမြစ်များ

PA'JARIANG 47:12

Nampa nagannakkimo pappasadia untu' lanakanrea manggena, sikamma sari'battanna, kammayatompa sikontu bija pammanakanna, sa'genna kaminang loloa.

PA'JARIANG 47:28

Attallasa' iji Yakub sa'genna sampulo antuju taung ri Mesir, sa'genna narapi' umuru'na a'jari sibilangngang ampatampulo taung.

AYUB 18:19

Tenamo ana'na na turunganna; ri bori' parang lakkenna tenamo tassesa manna sitau.

PANGNGEBARANG 31:28

Nipakalompoi ri ana'-ana'na, siagang nipuji ri bura'nenna, angkana,

YESAYA 14:22

Nakana Batara Kaminang Koasaya, “LaKubakkai Babel nampa Kupa'lanynya'. Tena manna sitau laKupasalama', ba'lalo manna ana'-anaka tena laKulappassang attallasa'. INakke Batara anne, akkana.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

1 TIMOTIUS 2:3

Iaminjo kammaya baji' siagang akkullea ampakasannangi atinNa Allata'ala, Batara Mappasalamatta.

1 TIMOTIUS 5:16

Mingka punna nia' baine Karisteng nia' bijanna jandamo, musti nabantui anjo jandaya. Takkulleai nabalang parekang sa'genna jama'aka antanggongi. Jari akkullemi jama'aka ambantui janda-janda tena sikalia bija pammanakanna.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

HAKING-HAKING 12:14

Nia' patampulo ana' tu bura'nena, na nia' tallumpulo cucu-cucu bura'nena. Massing nia' tasse'renna ke'nanga sikayu keledaina. Sagantuju taungi sallona nipimping umma' Israel ri Abdon.

RUT 2:18

Nampa ammotere'mo mange ri kotaya angngerangi anjo apa nagappaya nanapaccinikang matoanna siapa jaina napasse're. Siagang nasareang tommi matoanna anjo kanre tenaya nala'busuki ri wattunna angnganre.

RUT 2:2

Ri se'reang allo akkanami Rut mae ri Naomi, “Amma' erokka' appala' kana mange anrappung gandung ia tu'guruka battu ri pakattoa. Tantu nia'ja tau ampa'bianga' appakamma anjo.” Appialimi Naomi angkana, “Baji'mi na', a'lampamako mange!”