1 TIMOTIUS 5:23 - KITTA' MATANGKASA'

²³ Teako tuli je'ne' bawang nuinung; mingka angnginung tongko sike'de' anggoro' sollanna a'jari baji' lalang parru'nu, natena nutuli garring-garring.

1 TIMOTIUS 5:23 ပူးပေါင်းရင်းမြစ်များ

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

YEHEZKIEL 44:21

Takkulleai ke'nanga angnginung anggoro' punna eroki ke'nanga antama ri paranglakkeng bageang lalanga.

LAMPA-LAMPANA 18:5

Ri wattunna nia'mo Silas siagang Timotius battu ri Makedonia, napakemi Paulus sikontu wattunna niaka, untu' ampabattui kabara' battua ri Allata'ala mae ri tu Yahudia. Napabattumi mae ri ke'nanga ri passala'na Isa, Karaeng Mappasalama' le'baka Napa'janjiang Allata'ala.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

1 TIMOTIUS 3:3

teai tau painung sa'genna nasa'ring, yareka teai tau nangaia assiba'ji. Mingka tunai ri kana-kananna siagang nangai assiamaka. Takkulleai angngondang dudu doe'.

1 TIMOTIUS 3:8

Ia tau anggaukangai jama-jamang pambantua lalang ri jama'aka, musti tau bajika siagang tau lambusuka; takkulleai tau nangaia anginung jai dudu anggoro' yareka tau paondang doeka.

1 TIMOTIUS 4:4

Sikontu apa-apa Napa'niaka Allata'ala sikontutojenna baji' ngasengi; tena manna sirupa akkulle niharangngang punna nitarimai siagang sukkuru' battu ri Allata'ala.

TITUS 1:7

Nasaba' anjo pamimping jama'aka, iami angngurusuki jama-jamanga untu' Allata'ala; jari takkulleai nia' callanna. Takkulleai tampo yareka pa'larroang, yareka painung sa'genna nangai nasa'ring, yareka nangai assiba'jia, yareka mangngoai ri doe'.

TITUS 2:3

Kammayatompa, parallu tongi nupakainga' tau toa bainea sollanna matangkasa' ke'nanga ri panggaukanna sangkamma siratannaya ri katallassanna tau anynyombaya ri Allata'ala. Takkulleai napitina paranna tau, siagang takkulleai tu'guru' cinnana ke'nanga mae ri inung-inungang terasaka. Musti napangngajarrangi ke'nanga apa-apa bajika;