1 TIMOTIUS 5:22 - KITTA' MATANGKASA'

²² Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

1 TIMOTIUS 5:22 ပူးပေါင်းရင်းမြစ်များ

PAMMUJI 50:18

Punna accinikko sitau palukka', amminawangko ri ia, siagang sileporangko siagang tau nangaia a'gau' salimara'.

LAMPA-LAMPANA 13:3

Le'baki appuasa siagang appala' doang ke'nanga, napadongko'mi limanna ke'nanga irateanganna Barnabas siagang Saulus, nampa nabarakkaki nanasuro ke'nanga sipa'rua a'lampa.

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

LAMPA-LAMPANA 20:26

Jari kulambusiang mako kamma-kamma anne, angkanaya punna nia' ri kau anggappai kapanrakanga sallang, teaimi inakke pata sala.

LAMPA-LAMPANA 6:6

Nierammi anne tujua tau mae ri sikamma tunisuroNa Allata'ala, nampa nipappala' doangang siagang nipappalakkang barakka' ri Batara.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

1 TIMOTIUS 3:10

Parallui nipilajari baji' rolong ke'nanga; na punna tenaja apa-apa callanna ke'nanga, nampami akkulle niangka' ke'nanga a'jari pambantu lalang ri jama'aka.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

1 TIMOTIUS 3:6

Se'rea pamimping jama'ah takkulleai tau beru antamaya Karisteng, nasaba' gassingka a'jari tampoi nanggappa pangngalarroi sangkamma Billisika riolo.

1 TIMOTIUS 4:12

Teako pa'biangi kalennu nicini' tuna lanri rungkanu ija. Mingka paralluko a'jari conto mae ri sikontu tau tappaka ilalang ri pau-paunu, panggaukannu, katappakkannu, pangngamaseannu, kammayatompa katangkassanna katallassannu.

1 TIMOTIUS 4:14

Teako takkaluppai ampakei passareNa RohNa Allata'ala ri wattunna napatompang limanna pamimping-pamimping jama'aka irate ri ulunnu, kammayatompa ri wattunna napabattu na'bi-na'bia pappasanNa Allata'ala ri passala'na kalennu.

2 TIMOTIUS 1:6

Lanri kammana kupappiu'rangiangi mae ri kau sollanna nupattimbo anjo passare malammoro'Na Allata'ala mae ri kau ri wattunna kupatompang limangku irateanganna ulunnu.

2 TIMOTIUS 2:2

Anjo pangngajarang le'bakamo nulangngere' battu ri nakke ri dallekanna tau jaia, parallui nupappirannuang mae ri sikamma tau akkullea nipatappa' siagang cara'deka angngajaraki tau maraenga.

IBRANI 6:2

yareka pappilajarang uru-urua ri passala'na pa'je'nekanga yareka appatompanga lima irateanganna taua untu' ambarakkaki; yareka ri passala'na attallasa' poleanga ammotere' battu ri kamateanga siagang hukkungang satunggu-tunggua.

YOSUA 9:14

Naallemi tu Israel sike'de' anjo kanrena tu Gibeon, siagang takkuta'nangngai ri Batara ri sesena anjo passalaka.

2 YOHANES 1:11

Nasaba' inai-nai a'barisallang mae ri anjo tau kammaya, ma'nassa amminawang tommi siagang anjo taua anggaukangi panggaukang ja'dalaka.

PAPPICINI' 18:4

Nampa nia' sa'ra maraeng kulangngere' battu ri suruga angkana, “Assulukko, ikau ngaseng ummakKu! Assulukko battu lalang! Teako pinawangngi dosa-dosana, siagang teako amminawangngi antanggongi hukkunganna!