1 TIMOTIUS 5:18 - KITTA' MATANGKASA'

¹⁸ Nasaba' nia' tattulisi' lalang ri Kittaka angkanaya, “Punna nipakei sapia appa'jeko takkulleai nijempang bawana”; kamma tomminjo, “Tau anjama-jamaya musti nagappai sawala'na”.

1 TIMOTIUS 5:18 ပူးပေါင်းရင်းမြစ်များ

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

LUKAS 10:7

Ammantang mako ri se'reang balla'. Tarimami apa napassareanga patanna balla' ri kau, nasaba' sikamma tau anjamaya musti natarimai wassele' jama-jamanna. Teako a'lette'-letteki battu ri se'reang balla' mange ri balla' maraenga.

ROMA 10:11

Nia' tattulisi' lalang ri Kittaka angkanaya, “Inai-nai tappa' tena nalanipakala'ba pa'mai'na.”

ROMA 11:2

Tena! Tena naNapelaki umma'Na Allata'ala, le'baka Napile battu ri uru-uruna. Nuasseng ngasenji apa tattulisika lalang ri Kittaka, ri passala'na Na'bi Elia, ri wattunna natuntu' bansa Israelka mae ri Allata'ala. Nakana Na'bi Elia,

ROMA 4:3

Nia' tattulisi' lalang ri Kittaka angkanaya, “Tappaki Abraham ri Allata'ala; na lanri tappa'na ri Allata'ala, nitarimami a'jari tau nikarannuanga ri atinNa Allata'ala.”

ROMA 9:17

Nasaba' nia' tattulisi' lalang ri Kittaka angkanaya, “Nakana Allata'ala mae ri karaeng Mesir, ‘Se'reji bawang erokKu naKupa'jariko karaeng, iamintu eroki Kupappicinikang kakoasangKu battu ri kau, siagang na'jari masahoro' arengKu ri sikontu linoa.’ ”

1 KORINTUS 9:14

Kammatommi anjo, le'ba'mi Napattantu Batara angkanaya inai-nai ambirittakangi anjo Kabara' Bajika, musti nisarei kaparalluang katallassanna lanri anjo biritta napa'la'banga.

GALATIA 3:8

Le'ba' memammi nipau lalang ri Kittaka angkanaya akkullei assibajiki ammotere' bansa maraenga siagang Allata'ala punna tappa' ke'nanga mae ri Ia. Le'ba'mi nipauang la'bi riolo Abraham anjo Kabara' Bajika ilalang ri janji angkanaya, “Battu ri kaumi nalaNabarakkaki Allata'ala sikontu rupataua ri lino.”

PAOLE 25:4

Teako jempangi bawana sapi nupakea allessoro' gandung.”

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”