1 TIMOTIUS 5:15 - KITTA' MATANGKASA'

¹⁵ Nasaba' nia' janda-janda sala oloang nampa napinawang ero'na Setanga.

1 TIMOTIUS 5:15 ပူးပေါင်းရင်းမြစ်များ

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

2 TIMOTIUS 1:15

Nuassemmi angkanaya nabokoi ngasemma' sikamma tau niaka ri daera Asia, kammayatompa Figelus siagang Hermogenes.

2 TIMOTIUS 2:18

A'lesso'mi ke'nanga battu ri pangngajarang tojenga, siagang napa'lingu-lingumi katappakkanna sipa'gang taua. Napangngajarrammi ke'nanga angkanaya kamma-kamma anne kajariammi anjo katallassanta ammotere' battu ri kamateanga.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

2 PETRUS 2:2

Mingka manna nakamma, lajai tau ampinawangi katallassanna anjo guru takontutojenga, nikoasaia ri hawa napasuna ke'nanga. Siagang lanri panggaukanna anjo gurua najaimo tau naturungang anghinai Oloang Katojengang mangea ri Allata'ala.

2 PETRUS 3:16

Anjo passalaka tuli napauna Paulus lalang ri sikamma sura' natulisika. Memang, nia' siapa are passala' anjo napaua lalang ri sura'na sukkara' nipahang. Na anjo tau tenaya napahangi siagang tenaya najarre' tappa'na, naputara' bale'mi anjo apa natulisika Paulus. Anjo ri kammaya tena niparallu lannasa'. Lanri kamma tomminjo panggaukanna ke'nanga mae ri bageang maraengannaya bonena Kittaka. Anjo panggaukang kammaya poro kapanrakang bawang wassele'na mae ri kalenna ke'nanga.

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.