1 TIMOTIUS 5:13 - KITTA' MATANGKASA'

¹³ Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

1 TIMOTIUS 5:13 ပူးပေါင်းရင်းမြစ်များ

PANGNGEBARANG 11:13

Tau appa'la'banga kabara' anging takkulleai anna'gala' rahasia, mingka tau nipatappaka akkullei narahasiakang parkaraya.

PANGNGEBARANG 20:19

Tau nangaia ambicarai paranna tau, takkulleai anynyokko rahasia; teako assileporangi siagang tau jai dudua bicaranna.

PANGNGEBARANG 31:27

Tuli rajengi anjama siagang naparhatikangi urusang lalang balla'na.

KAIMANGNGANG 19:16

Teako appa'la'bangngi pitina ri alla'na tu'julu bansanu, sollanna tena nu'jari passabakkang namate parannu tau. INakkemi Batara.

LUKAS 10:7

Ammantang mako ri se'reang balla'. Tarimami apa napassareanga patanna balla' ri kau, nasaba' sikamma tau anjamaya musti natarimai wassele' jama-jamanna. Teako a'lette'-letteki battu ri se'reang balla' mange ri balla' maraenga.

LAMPA-LAMPANA 20:20

Nuasseng ngasemmi angkanaya tena nakumalla'-malla' ampauangko apa niaka matu-matunna mae ri kau. Kusareko pangngajarang lalang ri pa'rappunganna tau jaia, yareka massing ri balla'nu ngaseng.

LAMPA-LAMPANA 20:30

Ba'lalo lania' tau battu ri tangnga-tangnganu tonji ambirittakangi biritta salaya. Lappanggaukang kammai anjo ke'nanga sollanna akkulle tau tappakamo ri Isa a'jari sala oloang, nampa amminawang ri ke'nanga.

1 TIMOTIUS 5:12

Jari salami ke'nanga lanri allessoki ri janjinna mae ri Almasi.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

YAKOBUS 3:10

Battu ri bawaya assulu' kana-kana appala' sukkuruka, mingka battu ri iatommi anjo bawa se'rea assulu' kana-kana ansapatai taua. Mustina tena nakamma anjo, sikamma sari'battangku!

1 PETRUS 4:15

Tea' laloko niakki angkasiaki sessaya lanri ammunonu, yareka lanri a'lukka', yareka lanri a'gau' ja'dala', yareka lanri napantama'-tamakkinna urusanna tau maraenga.

3 YOHANES 1:10

Punna battua' sallang, eroki kubicara anjo passala' apa-apa le'baka nagaukang iamintu kaja'dallanga siagang bicara balle-ballea, ia le'baka nacarita ri sesena ikambe! Mingka tagannakapi anjo sikammaya mae ri ia. Ri wattunna battu anjo aganta ngaseng paranta tu Karisteng, taerokai antarimai ke'nanga. Ba'lalo napisangkai tau eroka antarimai ke'nanga, siagang nasuroi ke'nanga assulu' battu ri jama'aka!