1 TIMOTIUS 4:3 - KITTA' MATANGKASA'

³ Napangngajarrangi sollanna ta'buntinga taua; siagang jai apa-apa tanapa'bianga nikanre. Na sikontutojenna anjo kanre-kanreanga Allata'ala ampa'niaki. Yangasenna anjo Nakellai Allata'ala sollanna nikanre siagang sukkuru' ri sikamma tau tappakamo mae ri Almasi siagang tau naassengamo pangajarang katojengang battua ri Allata'ala.

1 TIMOTIUS 4:3 ပူးပေါင်းရင်းမြစ်များ

PA'JARIANG 9:3

Yangasenna anjo akkullei a'jari kanrenu, sangkammaya tompa lamung-lamung moncongbuloa; yangasenna anjo Kupassareangi ri kau untu' a'jari kanrenu.

KATO'BA 5:18

Punna nia' sitau annarima kakalumanynyangngang siagang barang-barang battu ri Allata'ala, nampa nisare ising untu' ampinyamangngi anjo kakalumanynyangnganna, musti appala' sukkuruki siagang nakasia' baji' sikontu wassele' jama-jamanna. Anjo kammaya passareNa tonji bawang Allata'ala.

DANIEL 11:37

Anjo karaenga tena najampangi manna pole rewata battu kemae, ia nasombaya boe-boena, kammayami rewata napakalompoa tubainea. Tena najampangi anjo rewata-rewataya lanri nakanai kalenna la'bi lompoangngangi naanjo rewata-rewataya.

MATIUS 14:19

Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.

MATIUS 15:11

Teai apa-apa antamaya ri bawaya anrantassi rupataua; mingka apa-apa assuluka battu ri bawaya, iaminjo anrantassi kalenna.”

MATIUS 15:36

Nampa Naalle anjo roti tujumbatua siagang anjo jukuka. Le'baki appala' sukkuru' ri Allata'ala, Nabage-bagemi anjo rotia siagang jukuka nampa Napassareang mae ri ana'-ana' gurunNa. Natawa-tawaimi ke'nanga anjo tau jaia.

LUKAS 24:30

Ri wattunna ammempo sipangnganreang ke'nanga, angngallemi roti Isa. Appala' sukkuru'mi ri Allata'ala, naNapue-pue anjo rotia, nampa Napassareang mae ri ke'nanga.

YOHANES 6:23

Nampa nia'mo siapa are biseang battu ri kota Tiberias mange anjoreng ri ampi'na tampa' le'baka napangnganrei roti tau jaia ri wattunna nisare ri Isa.

LAMPA-LAMPANA 27:35

Le'baki akkana kamma Paulus, angngallemi roti nampa appala' sukkuru' mae ri Batara ri dallekanna ngaseng ke'nanga. Nampa napa'bage-bageang anjo rotia, nanakanre anjo rotia.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

ROMA 14:3

Inai-nai a'rupa-rupa akkulle nakanre, teai nacini' tunai tau kanre-kanreang attantuaji bawang nakanre; na inai-nai kanre-kanre attantuaji bawang nakanre, teai napasalai tau a'rupa-rupaya nakanre, nasaba' anjo taua nitarimami ri Allata'ala.

ROMA 14:6

Nia' tau ampa'jari la'bi paralluangangi allo-allo attantua, lanri ero'na napakala'biri' Batara. Nia' tau a'rupa-rupai nakanre, lanri ero'na napakala'biri' Batara, nasaba' napakei appala' sukkuru' mae ri Allata'ala anjo kanrea. Kammatommi anjo tau kanre-kanreang attantuaji bawang nakanre; anjo taua napakala'biriki Batara siagang appala' sukkuruki mae ri Allata'ala.

1 KORINTUS 6:13

Nia' todong angkana, anjo kanrea untu' battang, siagang anjo battanga nipasadiai untu' napantamai kanre. Mingka anjo ruaya, iamintu kanrea siagang battanga lanipattaena ngasengi ri Allata'ala. Anjo batangkalea takkulleai nipake untu' a'gau' bawang, mingka untu' poro nipake allayani mae ri Batara. Na Batarami lamparakai anjo batangkalea.

1 KORINTUS 7:28

Mingka teaiji dosa punna a'baineko. Kammayatompa punna nia' tulolo a'bunting, anjo teai dosa. Mingka lajai kasusaang nagappa anjo tau a'buntinga. Naerokka' sollannu nipakabella battu ri anjo kasusaang-kasusaang kammaya.

1 KORINTUS 8:8

Sikontutojenna teai anjo kanrea pila' ampakabajiki passisambunganta siagang Allata'ala. Punna nikanre anjo kanrea, tena apa-apa passawallang nigappa. Kammayatompa punna tanikanrea tena tonja apa-apa karugianta.

KOLOSE 2:16

Lanri kammana, teako pa'biangi taua ampasalako ri passala' apa-apa nikanrea yareka apa-apa niinunga, yareka ri passala' allo-allo lompona agamaya, yareka passua'-suarrang bulang berua, yareka ri passala'na allo Pammari-marianga.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

1 TIMOTIUS 2:4

Eroki sollanna nipasalama' ngaseng rupataua siagang naasseng katojenganga.

1 TIMOTIUS 4:4

Sikontu apa-apa Napa'niaka Allata'ala sikontutojenna baji' ngasengi; tena manna sirupa akkulle niharangngang punna nitarimai siagang sukkuru' battu ri Allata'ala.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.