1 TIMOTIUS 4:16 - KITTA' MATANGKASA'

¹⁶ Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

1 TIMOTIUS 4:16 ပူးပေါင်းရင်းမြစ်များ

1 PATTOTTORANG 28:10

U'rangi baji'-baji' angkanaya le'ba' mako Napile untu' ambangung balla' untu' KalenNa. Jari, kamma-kamma anne gaukammi anjo, na nupatterassang ero'nu.”

2 PATTOTTORANG 19:6

siagang nasarei ke'nanga parenta kammaya anne, “Bajiki batenu appanggaukang, lanri punna angngadeliko teai lanri arenna rupataua, passangalinna lanri arenNa Batara. Naparhatikangko punna annappukiko se'reang kara-kara.

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

YEREMIA 23:22

Ebara' angkana naassengi ke'nanga apa takkimbolonga lalang ri pikkirangKu, tantu napabattumi ke'nanga mae ri ummakKu sikontu le'baka Kupau. Nalatoba' ummakKu battu ri dosa-dosana siagang battu ri panggaukang ja'dalaka.

MARKUS 13:9

Paralluko tutu, nasaba' lanijakkalakko siagang lanire'resangko mange ri pangadelang agamaya. Laniba'jiko lalang ri balla' sambayanga. Lanierangko mange ri dallekanna tau koasaya siagang kara'-karaenga, passabakkang amminawangko ri Nakke. Na iaminjo la'jari kasampatang ri kau untu' la'jari sa'bingKu mae ri ke'nanga.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

LAMPA-LAMPANA 26:22

Mingka sa'genna kamma-kamma anne tuli nijagaia' ri Allata'ala, sa'gengku akkulle ammenteng anrinni, a'jari sa'bi mae ri sikamma taua – baji' natau lompo kammayatompa tau ca'dia. Anne apa kupaua tena le'ba' sisalana siagang apa-apa le'baka nasero kana na'bi-na'bia siagang Musa;

LAMPA-LAMPANA 6:4

nasaba' eroka lanajama ikambe iamintu appala' doanga siagang ampabattui kana-kananNa Allata'ala.”

ROMA 11:14

Kuminasai nakuakkulle ampa'jari akkimburu bansaku mae ri bansa maraenga, sollanna akkulle a'jari saba' nakuakkulle ampasalamaki sipa'rua ke'nanga.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

1 KORINTUS 9:22

Kupa'jari kalengku sanrapang tau tenaya najarre' tappa'na ri tangnga-tangngana tau tenaya najarre' tappa'na, sollanna akkulle kubeso' ke'nanga a'jari tumminawang ri Almasi. Bodona kana, kupa'jari kalengku sanrapang apa-apa mamo, sollanna a'rupa-rupai carana nakkulle kuerang taua mae ri Almasi nanipasalama'.

1 KORINTUS 9:27

Kupassareangi kalengku nilati terasa' sa'gengku akkulle a'jari kassa'. Ia nakuappakamma anjo sollanna tena nakajariang angkanaya inakke angkioki taua amminawang appa'lumba nakalengku nisorongboko.

EFESUS 4:14

Jari, tena nisanrapang ana'-ana', akkullea nierang anrai'-kalau' ri pangngajaranna tau la'bua akkala' salana. Natipui siagang naakkala' salai taua, nanaerang mae ri oloang salaya.

KOLOSE 4:17

Siagang pauangi Arkhipus, angkanaya, “Pa'le'baki jama-jamang nipassareanga mae ri kau untu' allayani Batara.”

1 TESALONIKA 2:16

Ba'lalo nahalang-halangimi ikambe untu' ambirittakangi mae ri bansa-bansa maraenga anjo biritta akkullea ampasalamaki ke'nanga. Lanri kammana, anjo tu Yahudia pila' tuli natambaimi dosa-dosana, sa'genna a'jari sukku'mo jaina dosana ke'nanga. Nakala'busanna, kamma-kamma anne nitujumi ke'nanga ri pangngalarroiNa Allata'ala.

1 TIMOTIUS 1:3

Kukellaiko sollannu ammantang ri Efesus. Anne le'ba' mako kupauang baji'-baji' ri wattungku mange ri daera Makedonia. Nasaba' nia' siapa are tau ri Efesus angngerang pangngajarang sala. Na parallu nupammari angngajara' sala anjo ke'nanga.

1 TIMOTIUS 4:15

Attojeng-tojengko anggaukangi yangasenna anjo, sollanna akkulle nacini' ngaseng taua kamajuannu.

1 TIMOTIUS 4:6

Punna nupangngajarrang baji'mo yangasenna anjo mae ri parannu tau tappa', a'jari palayanNa mako Isa Almasi, siagang nugaukang baji'mi jama-jamannu. Siagang parallui pila' nupattimbo pa'mai'nu siagang kana nipatappaka battu ri Allata'ala, siagang pangngajarang katojengang nupinawangamo siapa sallona ri kamma-kammaya anne.

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

2 TIMOTIUS 3:14

Mingka ikau Timotius, paralluko tuli anna'gala' ri pangngajarang-pangngajarang tojenga, ia le'baka nipangngajarrang mae ri kau siagang nupatappa' tojeng-tojemmo; nasaba' nuassemmi angkana inai-naiang guru-gurunnu.

2 TIMOTIUS 4:2

Parallui nubirittakang anjo biritta battua ri Allata'ala; paralluko tuli sadia lalang ri wattu bajika yareka ri wattu tenaya nabaji'. Parallui nupa'jari tappa' taua, nupauang kasalanna, siagang nupakamaju ke'nanga. Sa'bara' tojeng-tojengko angngajaraki taua.

TITUS 1:9

Musti anna'gala' jarreki mae ri pappasanNa Allata'ala, iamintu biritta akkullea nipatappa' sangkamma le'baka nipangngajarrang mae ri ia. Lanri kammana, akkullemi ampakaingaki taua situru' pangngajarang tojenga, siagang napicinikiang kasalanna tau taeroka mappilangngeri.

TITUS 2:15

Pangngajarrangi yangasenna anjo, siagang pakaingaki kammayatompa piu'rangi sikamma tau mallangngereka; usahakangi nangngali' ke'nanga mae ri kau. Teako pa'biangi kalennu nicini' tuna ri taua.

TITUS 2:7

Siagang paralluko ikau kalennu, lalang ri apa-apa mamo, ampappicinikangi conto bajika lalang ri panggaukannu. Punna angngajarakko, musti lambusukko siagang attojeng-tojengko.

FILEMON 1:19

Jari baji'mi nakutulisi' kalengku anrinni angkanaya: Inakkepa Paulus ambayara' ngasengi sallang. (Tantu tena naparallu kupappiu'rangiang angkanaya kalennu pole kainrangang tongko mae ri nakke, iamintu lanri katallassang berunu salaku tu Karisteng.)

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

YAKOBUS 5:20

u'rangimi anne nakanaya Kittaka: Inai-nai ampoterangi tau dorakaya mange ri oloang tojenga, iami ampasalamaki nyawana anjo tau dorakaya battu ri kamateanga siagang a'jari saba' najai dosa nipammopporang. Sallangku, Yakobus