1 TIMOTIUS 4:15 - KITTA' MATANGKASA'

¹⁵ Attojeng-tojengko anggaukangi yangasenna anjo, sollanna akkulle nacini' ngaseng taua kamajuannu.

1 TIMOTIUS 4:15 ပူးပေါင်းရင်းမြစ်များ

PAMMUJI 1:2

mingka masarro nangai anggaukangi parentaNa Batara nanawa-nawa allo bangngi.

PAMMUJI 104:34

Poro anggappa pangngellai battu ri Ia kelong-kelongku, saba' Iami ampa'jari rannui pa'maikku.

PAMMUJI 105:5

He, turunganna Abraham, atanNa, siagang turunganna Yakub tunipileNa, u'rangi sikontu gau' appakalannasa' sikontu le'baka Nagaukang, teako kaluppai sikamma kaputusanNa.

PAMMUJI 119:148

Sila'busu' bangngia' tena kuttinro, untu' annawa-nawai ajaranTa.

PAMMUJI 119:15

Erokka' ampilajari sikontu kaputusanTa, siagang amparhatikangi sikamma pitunju'-pitunjutTa.

PAMMUJI 119:23

Manna nasikongkolo' sikamma pamarentaya ambalianga', anne atanTa lananawa-nawai katantuanTa.

PAMMUJI 119:48

Kupakala'biriki siagang kungai parentaTa, kunawa-nawai katantuanTa.

PAMMUJI 119:97

Tamaka kungaina hukkunTa; kunawa-nawai sila'busu' allo.

PAMMUJI 119:99

Pammahangku la'biangngangi napammahanna guru-gurungku, lanri inakke kunawa-nawai sikamma parentaTa.

PAMMUJI 143:5

Kuu'rangi allo-allo allaloa; kunawa-nawai sikontu panggaukanTa, kupikki'-pikkiri' sikamma bate paretTa.

PAMMUJI 19:14

Pakabella' battu ri dosa kusangajakkia, teaKi' lappassangngia' nikoasai. Nakuma'jari tena callangku, kuta'lappasa' battu ri gau' sala lompoa.

PAMMUJI 49:3

baji' na tu biasaya, kammayatompa tupamimpinga, baji' na tu kasi-asia, kammayatompa tu kalumanynyanga.

PAMMUJI 63:6

KupujiKi' siagang akkio' rannu ri Katte, saba' Kipassukkuki pakkasia'na nyawaku sangkamma kanre nyamang dudua.

PAMMUJI 77:12

Erokka' angngu'rangi sikamma panggaukanNa Batara, angngu'rangi sikamma gau' appakalannasa'Na ri jammang riolo.

PAMMILANGNGANG 8:26

Le'baki anjo akkullei nabantu tu Lewi maraenga, ia tugasaka lalang ri KemaKu, mingka tenamo nattantu tugasa'na. Kammaminjo carana niatoro' jama-jamanna tu Lewi.”

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

LAMPA-LAMPANA 6:4

nasaba' eroka lanajama ikambe iamintu appala' doanga siagang ampabattui kana-kananNa Allata'ala.”

1 KORINTUS 16:15

Tantu massing nuassemmi Stefanus siagang sikontu tau niaka ri balla'na; iaminjo ke'nanga uru-uru a'jari tu Karisteng ri butta Akhaya. Attojeng-tojengi ke'nanga anjama untu' allayani umma'Na Allata'ala.

2 KORINTUS 4:14

Tappa'mi ikambe angkanaya le'ba'mi nipattallasa' poleang ammotere' Isa ri Allata'ala; jari tappa' tommi ikambe angkanaya lanipattallasa' tommi ikambe tete ri Isa. Na Iami langngerang ngasengki' mange ri dallekang mala'biri'Na.

2 KORINTUS 8:5

Assaremi ke'nanga la'biangang ri naminasaia ikambe. Uru-uruna napassareammi kalenna ke'nanga mae ri Batara. Le'baki anjo napassareang tommi kalenna ke'nanga mae ri kambe, situru' ero'Na Allata'ala.

1 TIMOTIUS 4:14

Teako takkaluppai ampakei passareNa RohNa Allata'ala ri wattunna napatompang limanna pamimping-pamimping jama'aka irate ri ulunnu, kammayatompa ri wattunna napabattu na'bi-na'bia pappasanNa Allata'ala ri passala'na kalennu.

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

1 TIMOTIUS 4:6

Punna nupangngajarrang baji'mo yangasenna anjo mae ri parannu tau tappa', a'jari palayanNa mako Isa Almasi, siagang nugaukang baji'mi jama-jamannu. Siagang parallui pila' nupattimbo pa'mai'nu siagang kana nipatappaka battu ri Allata'ala, siagang pangngajarang katojengang nupinawangamo siapa sallona ri kamma-kammaya anne.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

YOSUA 1:8

Anjo kitta' hukkunga musti tuli nubacakangi mae ri ummakKu. Pilajari anjo kittaka allo bangngi, sollanna tuli nugaukang sikontu apa niaka tattulisi' lalang. Punna nugaukang ngaseng sikammaya anjo, lasalewangangko ri tallasa'nu siagang la'jari usahanu.