1 TIMOTIUS 3:13 - KITTA' MATANGKASA'

¹³ Sikamma tau a'jaria pambantu siagang baji' lalang ri jama'aka lanipakala'biriki siagang la'jari pila' barani a'bicara ri passala'na katappakkanna ke'nanga mae ri Almasi.

1 TIMOTIUS 3:13 ပူးပေါင်းရင်းမြစ်များ

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

LUKAS 19:17

Nakanamo anjo karaenga, ‘Baji'mi! Palayang bajikko! Nasaba' akkulleko nipatappa' ri passala' apa-apa ca'dia, lakupa'jari mako tau koasa ammarenta sampulo kota.’

LAMPA-LAMPANA 21:35

Ri wattunna narapi'mo tuka'-tukaka, a'jallo' lompo ngasemmi anjo tau apparicua. Sa'genna musti niangka' mami Paulus ri anjo pasukanga.

LAMPA-LAMPANA 6:15

Nicinikimi Stefanus ri sikontu tau niaka hadere' lalang ri anjo sidang Pangadelang Agamaya. Na anjo wattua, attanja' kammami malaeka' nicini' rupanna Stefanus.

LAMPA-LAMPANA 6:5

Assamaturu' ngasemmi ke'nanga ri anjo apa napaua anjo sikamma tunisuroNa Allata'ala. Napileimi ke'nanga tuniarenga Stefanus, sannaka tappa'na ri Isa, siagang nikoasaia ri RohNa Allata'ala. Maraengannaya nipile tommi: Filipus, Prokhorus, Nikanor, Timon, Parmenas, siagang Nikolaus battua ri Antiokhia. Anne Nikolaus teai tu Yahudi, mingka antama'mi agama Yahudi.

LAMPA-LAMPANA 6:8

Anjo Stefanus sanna' nibarakkakina ri Allata'ala; sa'genna jai sikalimi gau'-gau' appakalannasa' nagaukang ri tangnga-tangngana tau jaia.

1 KORINTUS 16:15

Tantu massing nuassemmi Stefanus siagang sikontu tau niaka ri balla'na; iaminjo ke'nanga uru-uru a'jari tu Karisteng ri butta Akhaya. Attojeng-tojengi ke'nanga anjama untu' allayani umma'Na Allata'ala.

FILIPI 1:14

Siagang lanri iaminne nitarungkuku nujaimo tu Karisteng anrinni ri kotaya a'jari pila' tappa' mae ri Batara; sa'genna pila' baranimo ke'nanga ambirittakangi pappasanNa Allata'ala.

1 TESALONIKA 2:2

Nuassengi angkanaya ri tenanapa nabattu ikambe mange ri kau ngaseng ri Tesalonika, le'ba'mi ikambe nisessa siagang nihina ri Filipi. Mingka manna najai tau ammusui ikambe, le'ba'mi nisare kabaraniang ikambe ri Allata'alata untu' ambirittakangi mae ri kau ngaseng Kabara' Baji' battua ri Ia.

1 TIMOTIUS 3:14

Kuminasai natasalloamo nakulabattu angkunjungiko. Mingka manna nakamma parallu tonja' angkiringi anne suraka mae ri kau,

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.