1 TIMOTIUS 3:10 - KITTA' MATANGKASA'

¹⁰ Parallui nipilajari baji' rolong ke'nanga; na punna tenaja apa-apa callanna ke'nanga, nampami akkulle niangka' ke'nanga a'jari pambantu lalang ri jama'aka.

1 TIMOTIUS 3:10 ပူးပေါင်းရင်းမြစ်များ

1 KORINTUS 1:8

KalenNa Almasi ampakajarrekko sa'genna kala'busang, sollanna punna battu poleangi sallang, tena callanu narapikang.

KOLOSE 1:22

Mingka kamma-kamma anne, Napa'jari baji'mi ammotere' passisambungannu siagang KalenNa, lanri kamateanNa Ana'Na. Kammami anjo carana nukkulle nierang mange andallekang siagang malanynying, matangkasa' siagang tena callanu ri dallekanNa Allata'ala.

1 TIMOTIUS 3:13

Sikamma tau a'jaria pambantu siagang baji' lalang ri jama'aka lanipakala'biriki siagang la'jari pila' barani a'bicara ri passala'na katappakkanna ke'nanga mae ri Almasi.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

1 TIMOTIUS 3:6

Se'rea pamimping jama'ah takkulleai tau beru antamaya Karisteng, nasaba' gassingka a'jari tampoi nanggappa pangngalarroi sangkamma Billisika riolo.

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.