1 TIMOTIUS 2:9 - KITTA' MATANGKASA'

⁹ Kukellai tongi tubai'-bainea sollanna tena nata'liwa'-liwa' dudu batena a'mode yareka ammake pakeang. Teako ta'liwa' dudu batenu ammodei uu'nu yareka ambelo-beloi kalennu siagang bulaeng yareka mutiara, yareka pakeang-pakeang ka'jalaka ballinna.

1 TIMOTIUS 2:9 ပူးပေါင်းရင်းမြစ်များ

PA'JARIANG 24:53

Nampa appasulu'mo pakeang, belo-belo pera' siagang bulaeng, nampa napassareang ngaseng anjo sikammaya mae ri Ribka. Kammayatompa daenna siagang amma'na nasare tommi hadia yangaseng ka'jalaka ballinna.

2 KARAENG-KARAENG 9:30

Battumi Yehu mange ri Yizreel. Le'ba'namo nalangngere' Izebel anjo apa kajarianga, najangkai baji'mi uu'na nampa ammake paccalla mata, nampa attoa' naung battu ri tontonganna balla' karaenga.

ESTER 5:1

Ri makatalluna allo puasana, napakemi Ester pakeang ratuna, nampa a'lampa mange ri paranglakkeng lalanna balla' karaenga. Ammentengi ri dallekang pakke'bu'na balla' luara' passe'reang taua ri dallekanna karaenga. Anjo wattua sitabangi ammempo karaenga irate ri empoang kala'biranna, a'dalle' mange ri anjo pakke'buka.

PAMMUJI 149:4

Mangngellai Batara mae ri umma'Na; Ia assarei pammetang tau tuna pa'maika.

PANGNGEBARANG 31:22

Kalenna ampareki tappere' pa'lapara'na; pakeanna kaeng lenang sannaka ga'gana.

PANGNGEBARANG 31:25

Nikangalikangi siagang nipakalompoi; siagang tena naranggasela ri passala' allo lanadallekanga.

PANGNGEBARANG 7:10

Anjo bainea tena nasannang nyawana ammantang ri balla'na. Sinampe'-sinampe' nia'mi sedeng ri biring aganga, nampa mange ri paranga, yareka ammenteng attayang ri panyingkulu' aganga. Gau'-gau'na tena sikali malla'na siagang tangngassengai siri'-siri'. Kuciniki assulu' ammakeang sangkamma baine sala, nampa namangei anjo lapung tau rungka sumpadeng siagang akkala' salana.

YESAYA 3:16

Nakana Batara, “Teai sipato' borrona bai'-bainea ri Yerusalem! Sanna' lalena, nangai akkido kanynying siagang tampo sikali nicini' a'jappa. Napare'-pareki dakkana, a'rincing-rincingi ponto bangkenna.

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

YEREMIA 2:32

Maka nia' tulolo angkaluppai belo-belona, yareka bunting baine angkaluppai baju buntinna? Mingka ikau sallo sikaliMa' nukaluppai – takkulleami nirekeng angkana siapami sallona.

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

MATIUS 11:8

Apa ero' mange nucini' anjoreng? Tau ammake pakeang ga'ga? Niaki ri balla' lompona karaenga tau ammakeang ga'gaya!

1 TIMOTIUS 2:10

Mingka paralluko tubai'-bainea ammodei kalennu siagang panggaukang-panggaukang baji', situru' siratannaya mae ri tubaine anynyombaya ri Allata'ala.