1 TIMOTIUS 2:8 - KITTA' MATANGKASA'

⁸ Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.

1 TIMOTIUS 2:8 ပူးပေါင်းရင်းမြစ်များ

1 KARAENG-KARAENG 3:11

siagang Nakanamo ri ia, “Nasaba' pangngassengang mabaji' nupala' untu' ammarenta siagang adele', na teai umuru' sallo yareka kakalumanynyangngang untu' kalennu yareka kamateanna musu-musunnu,

AYUB 16:17

Mingka takugaukang katerassang; pammate ci'nonna pappala' doangku ri Batara.

PAMMUJI 134:2

Angkaki na nupatara limannu ri tampa' matangkasaka, siagang pujimi Batara!

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

PAMMUJI 28:2

Pilangngeri pappalakku punna akkioka' appala' tulung, Kiangkaki limangku mae ri Balla' matangkasatTa.

PAMMUJI 35:13

Ri wattunna garring ke'nanga, si'nai pa'maikku kutangnganrea; appala' doanga', kupadundu ulungku,

PAMMUJI 63:4

Lompoangangi anggaranna pangngamaseanTa na tallasaka, lanri kammana minjo kummuji ri Katte.

PAMMUJI 66:18

Ebara' angkana sannanga' annawa-nawai kaja'dallanga, mattantu taerokai Batara ampilangngeria'.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

MATIUS 21:21

Appialimi Isa Nakana, “Sitojeng-tojenna, punna tappakko natena nubata-bata, akkulle ngaseng tongko anggaukangi anjo apa le'baka Kugaukang mange ri poko' araya. Ba'lalo teai anjo bawang. Lakkulleko pole angkana ri anne bontoa, ‘Ta'angkakko, nutassambila naung ri tamparanga’; nalakamma tojeng-tojeng anjo kajarianna.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

MATIUS 6:12

Kipammopporangi dosa-dosana ikambe, Sangkamma napammopporammi ikambe tu salaya ri kalenna ikambe.

LUKAS 23:34

Appala' doammi Isa Nakana, “O Bapa', pammopporangi anne ke'nanga; nasaba' tanaassengai angkanaya apa anne nagaukanga ke'nanga.” Nalotereimi ke'nanga pakeanNa Isa ero' nabage-bage.

LUKAS 24:50

Le'baki anjo, nirurungammi ke'nanga ri Isa assulu' ri pantaranganna kotaya, sa'genna mange ri Betania bellana. Battui mange anjoreng, Naangka'mi limanNa Isa, nampa Nabarakkaki ke'nanga.

YOHANES 4:21

Nakanamo Isa ri ia, “Tappa' mako angkanaya nia' se're wattu sallang natenamo nalanrinni ri bontoa, siagang tena tommo nalanjoreng ri Yerusalem, taua anynyomba ri Manggea.

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

LAMPA-LAMPANA 10:31

Nakana ri nakke, ‘Kornelius! Natarimami Allata'ala pappala' doannu, siagang Nau'rangimi pa'mai' baji'nu.

LAMPA-LAMPANA 10:4

Najanjammi Kornelius anjo malaekaka, nateai sipato' malla'na. Nakanamo, “Apa kutadeng Karaeng?” Appialimi anjo malaekaka nakana, “Nitarimami ri Allata'ala sikamma pappala' doannu siagang pa'mai' baji'nu, kammayatompa Nau'rangiko Allata'ala.

LAMPA-LAMPANA 21:5

Mingka ri wattunna lala'busu'mo wattunta lammantang anjoreng, a'lampa maki' ambokoi ke'nanga, nanipannarrusu' lampata. Amminawang ngasemmi ke'nanga massing sipammanakang angngantarakki' sa'genna assulu' ri pantaranganna kotaya. Anjoreng ri biring tamparanga, akkulantu' ngaseng maki' appala' doang.

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

1 KORINTUS 7:7

Sikontutojenna la'bi kungaiangangi punna a'jari sangkamma ngasengi inakke taua. Mingka massing le'ba' ngasemmi taua anggappa passare battu ri Allata'ala. Nia' tau anggappa passare kamma anne, nia' anggappa passare kamma anjo.

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

FILIPI 1:12

Kukellai nuasseng ngaseng, angkanaya passabakkang iaminne apa-apa kajariang mae ri kalengku, napila' jaimo tau allangngereki siagang ampatappaki Kabara' Bajika.

1 TESALONIKA 1:8

Nasaba' tassiara'mi birittaNa Allata'ala appakkaramula battu ri kau ngaseng sa'genna mange ri butta Makedonia siagang Akhaya. Ba'lalo tena nasikammaja anjo bawang; nasaba' anjo katappakkannu mae ri Allata'ala tassiara'mi ri kere-keremae, sa'genna tenamo apa-apa parallu napau ikambe.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

TITUS 3:8

Sanna' kontutojenna anne bicaraya. Kukellaiko ampakasingara' tojeng-tojengi yangasenna anne, sollanna akkulle usaha tojeng-tojeng sikamma tau tappaka mae ri Allata'ala, untu' anggaukangi jama-jamang bajika siagang a'matu-matua untu' yangasenna taua.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.