1 TIMOTIUS 2:4 - KITTA' MATANGKASA'

⁴ Eroki sollanna nipasalama' ngaseng rupataua siagang naasseng katojenganga.

1 TIMOTIUS 2:4 ပူးပေါင်းရင်းမြစ်များ

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YESAYA 55:1

Nakana Batara, “Mae ngasengko sikamma tau turerea, angnginung mako battu ri je'ne' nipasadiaya. Battu mako mae tau tenaya doe'na tarimai gandunga nuta'bayarra, siagang angnganre mako! Anggoroka siagang dadika sadiai, alle bawang-bawammi.

YEHEZKIEL 18:23

Apaka nupikkiriki angkana iNakke, Batara Kaminang Tinggia sannangA' punna matei tau ja'dalaka? Tena sikali-kalia! Kukellai nanabokoi dosa-dosana sollanna akkulle tuli attallasa'.

YEHEZKIEL 18:32

Tena kusannang punna nia' tau mate. Bokoimi dosa-dosanu sollannu tuli attallasa'. INakke Batara Kaminang Tinggia, anne akkana.”

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

HABAKUK 2:14

Mingka rapang tamparang rassia siagang je'ne', buttaya lanipirassi tongi siagang pangngassengang ri sesena Batara siagang kakoasanNa.

MATIUS 28:19

Jari a'lampamako mange ri sikontu bansaya ri lino, pa'jarimi ke'nanga ana'-ana' gurungKu. Je'neki ke'nanga lalang arenNa Manggea, siagang Anaka, kammayatompa RohNa Allata'ala.

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

LUKAS 1:77

Ampabattui kabaraka mae ri umma'Na angkanaya lanipasalamaki ke'nanga, punna le'ba'mo nipammopporang dosa-dosana ri Allata'ala.

LUKAS 14:23

Jari nakanamo anjo karaenga, ‘A'lampamako assulu' ri pantaranganna kotaya, mangeko kioki tau niaka ri agang-agang lompoa, siagang ri sepe'-sepeka; suro ngasemmi ke'nanga battu, sollanna rassi ballakku.

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 17:17

Kipa'jari ke'nanga ummatTa Kikatutuia lanri katojenganga; na iaminjo kananTa katojenganga.

YOHANES 6:37

Sikamma tau Napassareanga Manggea mae ri Nakke, labattui mae ri Nakke. Manna inai tena nalaKusorongboko punna battui mae ri Nakke.

ROMA 11:14

Kuminasai nakuakkulle ampa'jari akkimburu bansaku mae ri bansa maraenga, sollanna akkulle a'jari saba' nakuakkulle ampasalamaki sipa'rua ke'nanga.

1 TIMOTIUS 4:10

Iaminjo saba'na kippattujuang siagang anjama terasa', lanri manrannuang tojeng-tojengki' mae ri Allata'ala mattallasaka; Iami Batara Mappasalama'na sikontu rupataua, la'biangampa pole mae ri sikamma tau tappaka.

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

2 TIMOTIUS 3:7

Tuli nasuro ajaraki kalenna anjo bai'-bainea, mingka tena le'bakai naasseng pangngajarang tojenga, ia battua ri Allata'ala.

TITUS 1:1

Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,

TITUS 2:11

Nasaba' Napappicinikammi lammoro' pangngamaseanNa Allata'ala, sollanna Napasalama' sikontu rupataua.

IBRANI 10:26

Nasaba' punna le'ba'mo nipabattu biritta tojenga battua ri Allata'ala mae ri katte, mingka tuli nipakkunjungianna nigaukang dosaya, tenamo koro'bang lakkulle antangkasi dosata.

YAKOBUS 3:14

Mingka punna pakimburuko, punna pa'risi' pa'mai'nu, siagang punna kaparalluang kalennu bawang nuondang, tea' mako pattampo-tampoangi anjo kacara'dekannu, nasaba' punna kamma anjo nuputara'-bale'mi biritta katojengang battua ri Allata'ala.

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.

2 YOHANES 1:1

Battu ri nakke, pamimping jama'aka; kupappitarimangi anne suraka mae ri Amma' Napilea Allata'ala, siagang mae ri ana'-ana'na Amma' sannaka kukarimangnginna. Teai inakke bawang, mingka sikontu pole tau angngassengai Allata'ala tojenga, Nakarimangngi ngaseng tongko.

PAPPICINI' 14:6

Nampa nia' kucini' se're malaeka' maraengang anri'ba' tinggi rate ri langika. Anjo malaekaka angngerangi biritta iamintu ri sesena Kabara' Baji' mannannunganga, untu' nipabattu mae ri rupataua ri lino; iamintu mae ri sikontu bansaya, sukua, bahasaya siagang pa'rasanganga.