1 TIMOTIUS 2:15 - KITTA' MATANGKASA'

¹⁵ Mingka manna nakamma, lanipasalamaki tubainea lalang allassukanna ana', assala' napakatunai kalenna natuli tappa' mae ri Almasi, siagang tuli nakamaseangi paranna tau, kammayatompa napassareang katallassanna mae ri Allata'ala bawang.

1 TIMOTIUS 2:15 ပူးပေါင်းရင်းမြစ်များ

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

1 KORINTUS 12:23

siagang anjo anggota-anggota nikanaya tena anggaranna, sikontutojenna parallui la'bi nianggara'. Anggota tubu tenaya naga'ga la'bi parallui niparhatikang.

1 TIMOTIUS 1:14

Mingka ba'lalo nipila'bi-la'bianga' kalammorang pangngamaseang ri Batarata. Nasarea' pakkulle untu' tappa' ri Ia, siagang pangngamaseang akkullea nipatang punna asse'reki' siagang Isa Almasi lalang ri katallassanta.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

1 TIMOTIUS 2:9

Kukellai tongi tubai'-bainea sollanna tena nata'liwa'-liwa' dudu batena a'mode yareka ammake pakeang. Teako ta'liwa' dudu batenu ammodei uu'nu yareka ambelo-beloi kalennu siagang bulaeng yareka mutiara, yareka pakeang-pakeang ka'jalaka ballinna.

TITUS 2:12

Anjo lammoro' pangngamaseanNa Allata'ala eroki angngajarakki' sollanna tenamo nasisala katallassanta siagang ero'Na Allata'ala, siagang tenamo naniturukiang kaerokanna pakkalinoanga. Niajarakki' sollanta niasseng ampakalewai kalenta, lambusu' siagang anynyomba mae ri Allata'ala lalang ri katallassanta.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.